Page 64 - MIN ARENDS

Fraccion di AVP cu intercambio ameno cu grupo di studiante
na Hulanda

Wednesday, 14 June 2017 20:03
Comparti

Un delegacion di e fraccion di AVP den Parlamento, ta na Den Haag pa asisti na e reunion di IPKO y a
haci uzo di e oportunidad aki, pa reuni c’un grupo di studiantenan Arubiano relaciona cu varios desaroyo
aki na Aruba pero tambe cu ta di interes di nan como studiante.
“Un momento exitoso y grandioso sin duda pa reuni cu e studiantenan Arubiano na Aruba Huis, caminda
diferente tema a bin dilanti manera entre otro diferente ley cu nos tin pendiente pa loke ta e pagamento
di nan lening bek caminda nos a comunica na e hobennan aki cu pronto e lo wordo trata.
Ta un ley caminda no solamente e suma of miho bisa cu e rente cu nantin cu paga riba nan quota y
studielening, cu esaki por wordo deduci for di belasting pero e suma completo caminda por ehempel si
nan ta pagando 400 pa luna caminda 100 ta rente y 300 e cuota directo, henter e suma aki nan tin
posibilidad pa reduci esaki for di nan belasting den e forma caminda nan por paga e suma di studielening
te na un maximo di 10 mil florin.
Tambe nos por a scucha meta y soño di e studiantenan aki, caminda algun ta studiando medicina,
otronan cu ta kier specialisa riba diferente remedi cu lo ser uza den futuro, y nos a papia cu varios di nan
cu ta den nan prome of mas aña.
Un combersacion hopi ameno den presencia di Minister Plenipotenciario Juan David Irausquin y e
proyecto cu e ta ehecutando bayendo diferente ciudad, tumando contacto cu hobennan studiante y
atrabes di programanan di live streaming riba facebook, tur hende por haya informacion necesario y di e
forma aki Arubahuis mira con e por duna e studiantenan un ayudo cu nan tin mester ora cu ta necesario.
Nos ta gradici tur studiante cu tabata presente hunto cu nan ‘mentoren’ caminda nos por a haya un tiki
idea con nos studiantenan ta wordo atendi y kico ta e problemanan mas comun cu nan ta haya nan mes
confronta cune.
Sin duda un momento grandi y sumamente importante caminda e intercambio tabata necesario cu bay
den un tremendo ambiente y comprension,” lider di fraccion di AVP, sr Marlon Sneek ta mustra.
biente y comprension,” lider di fraccion di AVP, sr Marlon Sneek ta mustra.