Page 63 - MIN ARENDS

André Bosman (Hulanda) ta haña esaki muchu facil bisa. “Si tur hende ta responsabel,
niun hende no ta responsabel” e ta bisa e delegacionnan caribense. E ke pa e paisnan
caribense tuma nan propio responsabilidad pa despues wak unda Reino mester yuda i di
ki manera.

Despues Pauletta cu Bosman ta pega. E ta haña e miembro di VVD ta bagateliza y ta
ridiculiza e input di e islanan y e manera cu nan ta pinta e problema. Bosman ta haña cu
nan ta ignor’é personalmente (no den microfon) y ta ripiti cu e islanan mester bira mas
concreto. Antje Diertens (Hulanda) ta haña cu tur delegacion mester papia pa pensa
solucion.

Legislacion di asilo

Miembro di Eerste Kamer Frank van Kappen (VVD) ta interveni. Reino ta responsabel pa
Defensa, pero mantencion di derecho humano, maneho di asilo i deportacion ta asunto di
e pais. “T’asina e cos ta. pero ainda tin e boluntad tambe di sostene otro”, Van Kappen ta
bisa. “Pero por lo pronto ainda Hulanda lo no mete. Un di e cosnan cu e paisnan
(caribense) por hasi, especialmente Corsou, ta drecha nan legislacion.”

Ei Van Kappen ta mishi cu un punto peníbel pa Corsou: nunka e pais no a drecha su
legislacion. UNHCR (Comisario Mayor pa Refugiado di Nashonnan Uní ta trata e
peticionnan pa asilo i ta pone esun cu pidi den un otro pais no na Corsou.

Aruba si tin legislashon di asilo, pero ey tambe e precupashonnan ta grandi. Segun
Evelyn Wever-Croes ultimo lunanan 1500 venezolano a ‘keda atras’. “Pa nos esaki ta
hopi. Nos mester hasi palabracion den relacion di falta di espacio.

Relato: Ret Karibense Foto Marisol Lopez Tromp