Page 11 - AWEM 01-Apr-2015

AWEMainta Diaranson, 1 April 2015 11

ATIA a
instala su
directiva
nobo

Durante su Asamblea General

E organisacion di comercio y industria di Aruba (ATIA) tin un directiva nobo pa aña 2015-2016. Dos

miembro den directiva di aña pasa a baha y a habri caminda pa dos nobo.
Sra. Nicole Baptista y sr. Prakash Gupta a baha y ATIA ta gradici nan pa nan tempo, dedicacion, y
trabou realisa durante nan participacion den directiva.
E miembronan di directiva nobo ta sr. Ravee Nandwani y sra. Indira Solognier.

E directiva nobo di ATIA ta conta cu 11 miembro procedente di varios segmento den nos comercio y ta
consisti di sres. Ronnie van Trigt (Mantencion), Roland Croes (Telecomunicacion), Michel Henriquez
(Salubridad), Enrique de Cuba (Recurso Humano), Jim Hepple (Turismo), sra. Gina Habibe-Arends
(Bancario), sra. Indira Solognier (Accounting), Ravee Nandwani (Retail), Folkert van der Woude
(Construccion), sra. Mireille de Miranda (Impuesto) y Donald de Veer (Transportacion y Logistico).
E di 70 asamblea general di ATIA a tuma lugar na Surfside Marina, entre miembronan di e organ-
isacion cu a vota unanimamente p’e directiva nobo.

Den un bon ambiente e asamblea e termina cu un panel discussion cual a consisti di sres. Javier
Wolter, Ru Croes, sra. Cari Wolter, Benno Oldenhof, Michael-Leo van Romondt hunto cu Minister di
Finansa, Angel Bermudez riba e topico finansa publico y reforma fiscal. Cada panelista a contribui
cu nan experticio na un panel discusion sumamente interesante.