Page 16 - AWEM 01-Apr-2015

16 AWEMainta Diaranson, 1 April 2015

Director di APA Jossy Figaroa

APA ta yama
bon bini na
proyectonan

maritimo

Den cuadro di raport
“Maritiem Toekomst”

DIRECTOR di Aruba Ports Authority, ing. Jossy Figaroa ta hopi

contento cu e actividad y proyectonan maritimo cu ta bin Aruba,
mas aun mirando cu esakinan lo genera entrada pa tanto APA y
pa Aruba .Esaki ta un bon señal pa locual ta bay sosode na Aruba.
Papiando di waf aki ta papia di e ‘kade’, cu lo bay keda cla fin di
juli. Ya caba por mira cu tin hopi interes for di mas compania
cu ta bay bin haci uso di nos waf, y esaki ta algo sigur pa ta hopi
contento cu ne, sr. Figaroa ta bisa.

Manera Minister Otmar Oduber a indica tambe ta cu e maneho cu
tin stipula pa den futuro bay hopi mas den e direccion ey y esey ta
algo bon, pero si mester tene cuenta cu kico esaki ta encera y kico
nos mes mester haci aki na Aruba pa logra esaki.
Sr. Jossy Figaroa a bisa cu a puntra e profesionalnan di Seaway
kico ta pone cu nan a bin aki Aruba y nan contesta tabata uno
simpel, pa nan loke ta haci e diferencia t’e calidad di servicio cu
ta wordo ofreci.
E bon servicio no ta solamente locual APA ta ofrece, pero ta mara
tambe na cada un persona den comunidad.
E mensahe di Jossy Figaroa tabata uno cla, unda el a bisa cu mester
compronde cu pa duna un bon servicio nos cada un ta depende
di otro.
Nos mester percura cu cada un bishitante crucero of stayover,
haya un bon trato y esaki ta conta tambe den caso di proyectonan
manera esun di Seaway y Dammers Group cu nos mester percura
pa trata e trahadornan cu ta hospeda na Aruba bon.

Pa APA esaki ta un aspecto hopi importante y diariamente ta purba
brinda e mihor servicio cu ta posibel n’e bishitante.
Ing. Jossy Figaroa di APA a haci uso di e oportunidad pa gradici
Dammers Group y Seaway Heavy Lifting pa t’e promenan cu ta
haci uso di e waf nobo, y pa t’esnan cu ta bay mustra e otro com-
panianan cu esaki t’e caminda pa bin.
Tambe ya caba tanto Dammers Group como Seaway a indica di tin
hopi proyecto cu lo bay tuma lugar den e region di Golf y Latino
America y ta premira di lo por usa Aruba como Homeport, esaki
nifica cu nan lo bay sali di Aruba pa ehecuta e proyectonan ey, sr.
Figaroa ta splica.
Una bes cu otro companianan mira e exito di e proyectonan aki,
nan tambe lo kier cuminsa haci uso di Aruba como tal.

Finalmente ing. Jossy Figaroa ta gradici Minister Otmar Oduber y
Director di Directie Scheepvaart Carlyle De Coteau pa hunto traha
riba e proyectonan aki y ta satisfecho cu e manera cu ta trahando y
si sigui cana e caminda awor aki n’e forma aki, sigur e lo contribui
na un exito mucho mas grandi pa proyectonan den futuro.