Page 72 - min vos - may 7, 2015

Mila Ponson a gradua como Medico y Ciruhano

Publication: Thursday, 7 May 2015. Categoria: General
Na Universidad Latina di Costa Rica

ORANJESTAD (AAN): Redaccion di DIARIO a haya e grato noticia cu na Costa Rica Mila
Ponson, awor Dra. Mila Pinto a haya e titulo di Medico y Ciruhano na Universidad Latina.
El a conta cu “for di chikito mi deseo semper tabata pa por a yuda hende sinti mihor. Durante e
añanan cu a pasa, mi a bin realiza cu mi deseo por a bira realidad door di studia medicina. Mi a
haci tur lo posibel pa sigui e stapnan necesario pa asina un dia mi por yega di bira un docter.
Por fin ora ma drenta e ultimo dos añanan di Colegio Arubano, mi a haya e chens pa bai cerca un
“studie advizeur”. Masha contento di ta yegando mas y mas cerca di mi deseo bira realidad, mi a
expresa esaki na e juffrouw cu na dado momento tabata e advizeur di C.A. Juf. Van S. (pa no
menciona nomber completo!).
Manera mi a caba di expresa mi deseonan na e Juf aki, el a bira wak mi den mi cara y bisami flat
out cu NUNCA DEN MI BIDA mi lo por yega na bira un Docter…cu mi no ta “sabi
suficiente”…y cu mi mester cuminsa pensa riba algo otro como mi futuro, paso mi deseo ta
gewoon weg afo di realidad!
Mi a sali na yoramento pisa, full decepciona y depresivo. Manera mi a conta mi mama esaki, el a
bira claramente hopi rabia y a bisami pa nunca no laga hende bisami cu mi no por haci algo cu ta
den mi curazon. Cu tur loke mi ta desea, si mi traha duro pe, mi por logre.
Well, pa no cansa cu e storia, mi a bai Merca pa cuminsa mi trayecto cu Bachelors den
Science/Biology. Na 2006 mi a gradua cu honors como Biologo na Campbell University, NC.
Despues mi trayecto a sigui cu scol di Medicina/traha na ATV como news anchor/y cu mi tata