Page 74 - min vos - may 7, 2015

No por hiba un maneho di Salud Publico sin Inspectie

Publication: Thursday, 7 May 2015. Categoria: General
Minister Alex Schwengle:

ORANJESTAD (AAN): Minister Alex Schwengle ta e proximo mandatario den fila pa sinta
den Parlamento na momento cu e organo aki trata e presupuesto di e Ministerionan cu ta cay bou
di dje, esta di Salubridad Publico y di Deporte.
Minister Schwengle, prome cu el a drenta Parlamento, tabatin algun bon pregunta haci na su
persona cu lo trece cune un discusion positivo. Esaki ta demostra cu no solamente tin
parlamentario cu kier haci politica so pero tin tambe cu ta mustra interes den e tema di
Salubridad Publico.
Pero na mesun momento e mandatario a papia di preocupacionnan cu tin pa cu su ministerio di
Salubridad Publico. El a indica por ehempel cu door cu tin un presupuesto hopi preta, e ta mira
cu Inspectie ta core hopi peliger.
“Esaki ta un bon cos cu mi kier bay discuti cu nan den Parlamento, pasobra bo no por sigui hiba
un maneho bon sin Inspeccion. Si bo ta un pais serio, cu kier un bon servicio den cuido y den
Salubridad Publico, no por keda sin inverti den algo asina importante manera e seccion nobo di
Inspeccion.”
Inspectie ta un departamento of instancia cu ta traha riba su mes, cu tur partnernan di e sector
pero toch alabes los di Gobierno. Esaki ta pa e instancia aki por formula nan mesun opinion den
forma independiente, sin metemento politico. Obhetivo y pro-activo, pa nan mes haci
iunvestigacion pa mira si tur cos ta canando manera mester ta y dunando calidad.
http://www.diario.aw/2015/05/no-por-hiba-un-maneho-di-salud-publico-sin-inspectie/