Page 11 - MIN ON 13 APRIL 2016

Scolnan special ta riba bon caminda den materia matematica

Tuesday, 12 April 2016 19:04
Comparti

"Nos a haya hopi", esaki tabata e prome reaccion di Juffrouw Carolina Paesch-Quandus, cabesante di Scol
Caiquetio.
Ta importante pa splica cu ya caba e scolnan basico regular y enseñansa primario a ricibi e tayer aki caba. Awor ta
toca turno na e scolnan special pa ricibi e guia adicional aki riba e materia di matematica.

Hecho ta cu a laga e grupo aki na ultimo pasobra e metanan cu e studiantenan na scol special mester logra, hopi
mes ta rekeri un adaptacion compara cu e studiante di scol regular. "Pero e deseo ta pa na final nos tur yega na e
mesun caminda, cu ta pa saca lo maximo for di e mucha, maske e ta un mucha special", di acuerdo cu Juffrouw
Paesch-Quandus.

El a keda masha contento cu a logra trata e "kerndoelen", kico nan ta nifica pa enseñansa basico regular, anto a
haci un comparacion cu locual ta duna den enseñansa special, unda kier yega cu e alumnonan special aki y kico
por haci pa stimula y saca mas for di e alumnonan.

"Pa educacion special, esey kiermen cu kisas nos como scol special mester evalua nos curiculo, kisas nos por pone
algun meta adicional of banda di esey wak kico nos tin caba, vooral e muchanan cu ta rekeri extra tempo y
specialmente pa duna nos mesun un schouderklopje pasobra nos ta bon bezig", asina Juffrouw Carolina Paesch-
Quandus a bisa hariendo, mustrando un satisfaccion grandi y orguyo di e trabou cu nan ta realisa diariamente cu
e alumnonan special.

Na final por menciona cu e tayer aki a siña e docentenan di enseñansa special cu nan tin mas espacio pa
diferencia, pasobra si den un grupo den enseñansa basico nan tin cu sigui y no tur mucha ta yega e meta na
mesun momento, cu den enseñansa special tin espacio pa traha cu un grupo di diferente nivel y un ta yega mas
lihe cu otro, locual ta haci e enseñansa special.

Manera ta conoci, Minister di Enseñansa, Michelle Hooyboer-Winklaar ta trahando riba "Kerndoelen" den cual ta
enfoca riba e materia di rekenen o sea matematica na scolnan basico. E intencion ta pa tur scol brinda e mesun
calidad di enseñansa, cu na final e alumnonan, aunke di scolnan diferente, ta na e mesun nivel den e materia di
matematica. Pa logra esey mester percura cu e docentenan ta uza e mesun formula di duna les, ta duna e mesun
materia y ta percura pa na final logra e mesun meta pa cu e alumnonan.

http://www.24ora.com/local-mainmenu-5/107477-scolnan-special-ta-riba-bon-caminda-den-materia-
matematica