Page 9 - MIN ON 13 APRIL 2016

Multiculturalidad y Sostenibilidad ta temanan cu studiantenan di IPA a atende durante nan
Pasantia Mudial

Tuesday, 12 April 2016 08:32
Tweet
Comparti

Diferente di e studiantenan di IPA a trece nan experiencia dilanti durante e conferencia di prensa cu tabata tin. Un
di nan ta Marlene van der Linden cu ta den tercer aña di IPA. El a splica cu nan grupo a bay Hulanda cu Belgica.
Nan tin razon pakiko a escohe e destinacion. Marlene van der Linden a splica cu tin un instancia di acreditacion.
Y nan kier mira con e universidadnan aki ta traha hunto. A haci dos investigacion. Uno riba multiculturalidad.
Marlene van der Linden a splica nan ta mira mucha di diferente cultura. Na Hulanda tambe ta mira esaki y ta mira
con esaki ta bay bunita cu otro. E muchanan ta sinti nan mes na cas den klas. Nohely Fingal tambe ta un studiante
di tercer grado na IPA. El a splica con a base di cierto forma di duna les ta yuda e muchanan mas facil pa capta e
les. Ta hiba e muchanan tambe den naturaleza pa mustranan riba e importancia di naturaleza. Nan a keda
impresiona cu e ensejanza di Belgica. Nohely Fingal a splica cu na Belgica nan ta hopi mas inova y ta un stap mas
leu cu nan. Gobierno mes ta subsidia ensejanza pa yega na e material necesario pa ensejanza digital. Karenza
Werleman ta di klas tres y ta representa e grupo cu a bay Towson. E Universidad di Towson ta hopi inova tambe. E
ta un scol cu campus. E ta hopi adelanta den loke ta sosteniblidad. Nan a siña hopi cos di e bishita segun Karenza
Werleman. Nan mes por cuminsa hopi cos na Aruba cu stapnan chikito. Menos saco di plastic, no boter ta djis un
prome stap. Por cuminsa planta na jong y crece cu agricultura. Tin mas parti di e investigacion unda por haci nos
isla uno sostenible. Hopi informacion nan a haya di un awerness building cu nan tin. Tahira Lopez ta den e team
Puerto Rico 2016 pa loke ta Pasantia Mundial. Nan a bay Puerto Rico pasobra ta un isla casi similar cu Aruba. Ta
hopi cos nan a bay mira eynan. E isla aki tambe ta multi cultural. A haci enfacis riba inovacion y mira con lo hinca
inovacion den enseñanza. Ta siña e muchanan hopi tema actual. Class management ta algo cu nan a mira cu ta
apart y muchanan ta hopi activo den cada les. Solangel Dinmohamed a splica cu nan grupo a bay Barcelona. Nan
kier a mira con e multiculturalisimo ta deal. A mira con muchanan ta haya les sin buki pero ta Sali exitoso cu nan
educacion. Mester tin un manera cu por trece e les dilanti pa e muchanan.
Solangel Dinmohamed a splica cu nan a exeprencia cu mayornan tin gran participacion ora e muchanan ta pega cu
un les. Raideline Oduber ta forma parti di e grupo cu a bay Barcelona. E tabata un experiencia great cu nan a
pasa aden. Na Aruba hopi hende conoce e team di Barcelona. E pueblo ta hopi uni. Di Chikito bay grandi ta wordo
educa con e cultura aki ta. A mira tambe cu e gobierno tin un meta general pa e muchanan den enseñanza. Ta
yuda pa nan logra na meta na scol segun Raideline Oduber. Justy Lopez ta studiando na IPA tercer aña. Nan a bay
New York City. E experiencia tabata Wow. Nan a bay NYU cu ta un Universidad cu tur hende conoce pasobra ta
haci hopi den sostenibilidad. Nan experiencia tabata hopi positivo y a trece hopi informacion pa Aruba. Awor ta
invita tur hende pa bin mira nan Expo tambe. A bishita un scol interesante unda a admira loke e maestro ta haci
pa e studiante. Na Aruba ta educa e muchanan pero tambe e mayornan ta yega hopi leu den un enseñanza
positivo. Lisanne Koster ta un studiante di Hulanda cu ta pasando su pasantia na Aruba. E ta studiando na Hoge
School nan Breda. El escohe pa haci su proyecto na IPA na Aruba. E investigacionnan a cuminsa caba di parti di e
studiantenan di Hulanda. A haci investigacion y entrevistanan den diferente sector riba e tema pa asina enfoka
riba sostenibilidad. Pronto ta cuminsa cu e di dos parti di e proyecto. Nan ta total cinco studiante reparti den
cuater diferente scol. El a analiza e diferencianan caba entre e scolnan basico di Aruba y Hulanda.