Page 3 - bon-dia-aruba-20200325

A3
LOCAL Diaranson 25 Maart 2020

A pidi trahadonan di Riu Palace & Riu Antillas

bay cu vakantie den dianan aki

ORANJESTAD – Diadomingo ultimo a keda conoci
den henter comunidad e caso di trahadonan di hotel
Riu Palace & Riu Antillas, cu a wordo manda cas mi-
rando e situacion cu Aruba y henter mundo ta pasando
cu virus COVID-19, den e cual hende mester keda den
cuarentena pa no wordo contagia cu e virus aki.

Ayera trahadonan a tene accion pa trece dilanti cu e decision
cu gerencia a tuma di manda tur trahadonan cas bek cu mo-
tibo cu nan lo ta hayando vakantie, no ta corecto.

Bon Dia Aruba a haya un declaracion di un trahado di hotel
aki, ken nos lo laga anonimo pa proteha su identidad. El a
duna di conoce cu algun trahado a wordo manda cas cu fruta
y berdura y otro articulonan cu tin chens di daña durante e
ciere y trahadonan ta gradici e compania pa e gesto aki.

Awor, loke ta pasa ta cu trahadonan no ta di acuerdo cu e infor-
macion cu a wordo duna tocante e pago. Nan ta wordo paga te
diadomingo cu nan puntonan cu ta den sistema di ocupacion
di e siman aki di e hotel. Desde diadomingo ultimo, tur tra-
hado ta obliga pa bay vakantie cu pago sin punto. Di esaki el
a comenta cu regularmente e compania tin un fondo pa paga
vakantiegeld y semper a wordo paga cu un averahe di e aña pa
ricibi e pago cu ‘hour rates’ y puntonan, pero e biaha aki no ta
wordo paga manera mester ta.
Trahadonan ta wordo paga pa quincena di 15 pa 23 cu pun-
tonan y dia 23 te fin di luna vakantiegeld sin punto. Esaki ta
wordo aplica pa e siguiente pago di dia 5 di april.

E posibilidad di haya un bono di Pasco pa 5 di mei ta si e tra-
hado ta solicita esey pa e compania y nan ta deduci e bono a
base di si e trahado tabata di A.O, si a haya un warning of el a
keda suspendi.

Ademas, el a trece dilanti cu despues di dia 5 di mei traha-
donan no sa kico lo pasa cu nan. Nan a expresa cu Aruba y
henter mundo ta pasando pa den un momento nunca antes
bisto y mester ta flexibel pero, ‘nan mester ta flexibel cu e
berdad y no cu mentira’, el a señala.

Tocante e caso aki, Hubert Dirksz presidente di Fundacion di
Trahadonan di Aruba (FTA) a expresa cu hotel Riu Palace &
Riu Antillas a bisa pa trahadonan bay cas desde ayera, pa mo-
tibo cu no tin trabou ni turistanan den hotel pa traha. Di esaki
el a señala cu e problema a cuminsa na momento cu a exigi pa
trahadonan firma cu nan ta bay cu vakantie.

Dirkzs a bisa cu trahadonan no mester firma e carta, pa motibo
cu nan lo haya problema pa bringa e caso den corte despues.
Eynan el a comenta cu nan por considera cu e momento aki
no ta pa un persona bay cu vakantie, loke ta nifica cu esey no
ta valido manera cu compania ta pone den carta.

“Trahadonan no mester firma, si ta necesario mester bring’e
caso den corte” Dirksz a comenta.

Den un carta minister di Asuntonan Social y Labor, Glenbert
Croes a duna di conoce dialuna ultimo, a menciona cu a di-
cidi di introduci un pakete un flexibilisacion pa un periodo
di tres luna, esaki ta drenta na vigor 1 di april 2020, pa asina
brinda tanto pa e trahado como e dunado di trabou e sosten
necesario pa surpasa e periodo aki.

Di mesun manera, Gobierno di Aruba, entre otro ta duna
e posibilidad na dunado di trabou y trahado pa aplica pa un
compensacion for di e Fondo di Asistencia Social di Emer-
gencia (FASE) pa cubri entrada di trahadonan cu como con-
secuencia di reduccion di oranan di trabou lo ricibi menos di
Awg. 950.- pa luna.

Di loke ta trata Ley laboral, ta regarda cu e dunado di trabou
mester mantene contractnan laboral vigente.