Page 44 - AHATA

ATA a presenta obsekio na Hilton Aruba

Caribbean Resort & Casino

Posted on 12/17/2019 6:49 pm AST | Updated on 12/17/2019 6:54 pm AST

ORANJESTAD – Aruba Tourism Authority (ATA) a presenta obsekio na Hilton Aruba
Caribbean Resort & Casino. Asina e oficina a informa pa medio di un comunicado. Nan
ta repasa e historia y ta recorda cu Aruba su prome hotel luhoso y di piso a habri su
portanan na aña 1959 y durante full aña 2019 nan a celebra nan 60 aña di aniversario. Aki
nos ta papiando di Hilton Aruba Caribbean Resort & Casino cu originalmente a wordo
inaugura dia 18 di juli 1959 bao e nomber di Aruba Caribbean Hotel y asina a habri
caminda pa turismo pa nos isla.

Mas cu 60 aña pasa -entre otro- e dos politiconan Oscar Henriquez y Juancho Irausquin
tawatin un tremendo vision: pa engrandece turismo pa Aruba. Asina nan a pensa pa traha
un hotel luhoso pa atrae turismo y na 1959 e prome hotel di piso, Aruba Caribbean Hotel
a wordo oficialmente inaugura. Aki a inicia un era nobo pa cu e economia pa Aruba.

“ Pa nos bay bek un poco den historia: prome cu e segundo guera mundial, LAGO su
refineria tawata Aruba su pilar economico principal. Despues di e guera y cu
automatizacion, LAGO a dicidi di bini cu un reduccion di su empleadonan causando un