Page 47 - AHATA

comunicacion cu lo tin un aumento den e deviezenprovisie. Esaki lo aumenta di 1.3 pa

1.9%, cual ta un aumento basicamente di 50%, segun Michelle de Groot, directora di

ATIA.

ATIA ta preocupa den e sentido cu Aruba ta un isla cu ta depende di importacion di tur

cos. Tur loke ta cumpra afo, lo mester bay paga e deviezenprovisie aki. Esaki como

consecuencia lo tin un biaha mas un costo adicional pa haci negoshi, cual lo resulta un

biaha mas den un inflacion y aumento di costo di bida.

De Groot ta sigui splica cu esaki ta algo cu un biaha mas ta preocupante. Tin cu bisa cu
tabata tin un combersacion cu minister di finansas via telefon, pero lamentablemente

esaki no ta un di e cosnan cu el a menciona.

CON GREMIONAN TA MIRA ESAKI

Por lo general por tende comerciantenan bisa cu e lo mester pasa pa consumidor. Ta un

costo adicional un biaha mas. E ta un aumento basta grandi y no a papia cu Gobierno pa

haya sa tampoco con nan a bin na e cifra aki, con e aumento aki a bin. Tambe p.e. cuanto

nan ta spera di haya den caha di gobierno cu e aumento aki. Pero e negoshantenan lo tin

cu bay pas’e pa e consumidor. Lo bay tin un inflacion un biaha mas. Esey ta e problema

cu costo di haci negoshi ta aumenta mas y mas.

E ta un tendencia hopi importante na momento cu costo di bida ta hopi halto caba. Cada

aumento den impuesto ta un peso extra y di otro banda loke ATIA ta keda puntra ta kico

Gobierno ta haciendo pa baha su gastonan. “No ta bisa cu mester kita hende for di trabao,

pasobra esaki tampoco no ta un solucion. Pero tin otro maneranan cu gobierno mester

cuminsa pensa den baha e gastonan y esey tambe lo aporta na e caha di gobierno.”