Page 48 - AHATA

El a duna ehempel cu ta wak un post caminda ta bisa di unda mester saca e placa. Segun

ATIA tin hopi tempo ta bisa pa tira un bista riba e aparato Gubernamental cu ta mucho

grandi, mucho hopi gasto y cu mester traha riba esaki.

OTRO POSIBILIDADNAN

Na comienso caba ATIA a duna su recomendacionnan pa loke ta un reforma fiscal y un

di e posibilidadnan ta cu ta mira un low hanging fruit, unda cu mester mehora e

cumplimento di e hendenan cu ta paga impuesto.

Tin hopi comerciante ta kita e impuesto aki, pero no ta entreg’e na Belastingkantoor. No

tin e control, pero nan a compronde cu Belastingkantoor ta trahando riba esaki. ATIA ta

kere cu e ta un forma cu ta basta facil, sin pone un peso adicional riba negoshinan, riba

comunidad, y lo por haya fondonan adicional.

COMBERSACIONNAN CU MINISTER

Minister a informa ATIA cu mas tanto e mes no tin mucho informacion pa duna na e
momentonan aki. Hopi cos no ta sigur. Tin algun plan riba mesa, pero cu esakinan no ta

concreto suficiente pa por duna esaki como informacion na ATIA y cu por trece na e

mesun momento, na su miembronan. Esaki e mandatario a informa nan net prome cu e

noticia a bira publico.

Nos, e director di ATIA a bisa, a haya un sorpresa di e Deviezenprovisie aki e mesun dia.

De Groot ta spera toch cu tin espacio pa ATIA por sinta cu Gobierno y papia di loke por

lo menos tin riba mesa, kico ta loke por bin.