Page 24 - Djaweps 23 november 2017.pdf

24 Djaweps 23 Novèmber 2017
MUNDU DEPORTIVO

Den play-off Liga 40
Happy Stars ta derotá Swift 12

WILLEMSTAD.- Happy
Stars, despues di drenta
play-off 2017 di chiripa
(Navegantes a tene
Gamers afó dor di derotá
nan den e último wega
di kampeonato regular),
a klasifiká pa final dor
di kita seguidamente
Crazy Tigers i Swift for di
kaminda.
Djamars anochi tabata
tin e di tres wega entre
Happy Stars i Swift pa
determiná kua ekipo lo
tin e honor di enfrentá
Baranka den final di
kampeonato 2017 di Liga
40.
Happy Stars a logra
derotá Swift 12 pa 6 i lo
enfrentá Baranka atrobe
den e gran final di Liga 40.
Den un wega ku a bai
7 inning kompletu Swift
komo ekipo bishitante a
sali bárbaro riba picheo di
Happy Stars hinkando 3
kareda den e promé inning.
Happy Stars den su promé
inning na bate a kontestá e
picheo di Swift ku 3 kareda
tambe.
Den di dos inning
Swift a manda un hòmber
mas plato pa bai ariba,
miéntras ku Happy Stars
den mesun inning a bai en
blanko.
Den di tres inning Swift
ta bolbe anotá un kareda
mas pa bai ariba 5 pa 3.
Happy Stars no a pèrdè pa
gana i a anotá 2 kareda
den e inning ei pa empatá
e wega na 5.
Despues di esei e
picher estelar i kabai di
heru di Happy Stars, Wim
Felicia, a pinta tres sero
riba scoreboard, miéntras
ku Happy Stars si a keda
akumulá kareda.

2 den di kuater inning,
3 den di sinku i 2 mas den
di seis, pa kue un bentaha
kómodo di 12 pa 5 den
serada di e di seis inning.
Den nan último turno na
bate Swift a purba di hasi
algu, pero por a anotá
solamente un kareda pa
Sigui lesa pagina 25