Page 26 - Djaweps 23 november 2017.pdf

26 Djaweps 23 Novèmber 2017
MUNDU DEPORTIVO

Lesadónan di Extra Slowpitch, bon dia. Nos ta yegando
fin di siman i ta Sòftbòl Liga 40 so tin i tin torneo di ekipo
Blacksox ku lo tuma lugá na den Stadion Post 6. Ekiponan
manera Polis, SVB, EWT, Wenman, Mangusa, Aqualectra,
The Lions, Omni, Napa, SMC, Sicario, Mac Donald, Warriors,
Petro, The Drivers, CAP, Warriors, Bati Kibra i APC lo partisipá
na e torneo aki. E torneo lo terminá dia 17 di desèmber den
Stadion Post 6. Ekiponan tin hopi interes mes pa keda den
moveshon den novèmber aki pa bai terminá den desèmber.
* * * * *
Djamars ekipo Happy Stars a dal Swift ku skor di 12 pa
6. Wim Felicia a presentá den gran forma atrobe pichando
pa Happy Stars pasa pa final kontra di ekipo Baranka pa
di 7 aña siguí. Ta for di 2009 Happy Stars i Baranka ta
topa otro den final. Stail di un tempu, Baranka/Swift den
Liga van Engelen. Pero final entre mesun ekiponan 7 aña
siguí nos no ta kòrda. Mesun ekipo ta bai final si, pero topa
mesun kontrinkante añanan konsekutivo no ta pasa fásil.
Nos a kere ta 9 aña siguí, pero na 2010 Baranka a topa
Catpower den final i einan Baranka a bira kampion.
* * * * *
Nos tin e historia di e dos ekiponan aki topando otro
den final. Remarkabel ta ku tur dos ekipo tin 4 final ganá
pa loke ta trata final hunga entre nan dos. Happy Stars a
drenta den Liga 40 na 2009 i bira kampion mesora riba
Baranka. Baranka a topa Catpower na 2010 i bira kampion.
Despues ta 2011 Happy Stars, 2012 Baranka, 2013 Happy
Stars, 2014 i 2015 Baranka, 2016 Happy Stars. Ke men
Baranka 2010,2012, 2014 i 2015. Happy Stars 2009, 2011,
2013 i 2016. Ta aña di kibra empate anto. Baranka a logra
dos kampion siguí i esei Happy Stars no a logra ainda.
Fèrfelu ruman i kòrda ku e wega ta awe nochi pareu ku e
final di Wild Cats vs Santa Maria.
* * * * *
Happy Stars tin hungadó manera Echo Zinghagel na
tersera, Raylan ‘Chiki’ Francisca den short, Sor Moesquit
shortfield, Lo Celestina na segunda, Lindomar Cathalina na
primera, Mayron Martinus den left, Julius Veeris den center
i Raymond Leonora den left i Gerald Leonora tras di plato.
Por spera Wim Felicia komo picher habridó manera tabata e
kaso e último dos weganan ku Happy Stars a gana. Despues
ku Happy Stars a pèrdè e promé dos weganan, a manda
Wim Felicia ku a gana dos wega siguí kontra di Swift.
* * * * *
Happy Stars tin hungadó bon riba banki tambe manera
Tutuchi La Croes, Curby Brunken, Junny Marsden, Lebe
Lebe Duggan, Ludwig Pietersz, Neldrick Lourens, Ostiana,
Rocky Windster i otronan. Baranka tin outfieldernan
Dwight Alexander, Rigobert Cijntje, Winston Kirindongo,
Johnny Balentina, Lesly van Kimmenaede. Infielders: Myron
Wijman, Jair Quant, Erling Gosepa, Kelvin Winklaar, Wilfred
Reinita, Eldred Estanista, Charlton Merite, Edmar Cornelia
i Gregory Reina.
* * * * *
Pichernan: Kenny “Refuse to Lose” Hellement, Kenneth
Ortega, Siegfried Lopez i Jose Obispa.
Maneho ta den man di Kenny Hellement asistí pa Sendly
Reina i Wendel Anthony. Maneho di Happy Stars ta den
man di Mayron Isenia i Junny Marsden. Un seri final ku lo
bira kandela i Baranka tin dos siman ta warda den final
i ta sigur di nan mes. Probablemente Kenny Hellement
lo habri e promé wega pa Baranka kontra Wim Felicia di
Happy Stars.
* * * * *
Kòrda, djadumingu awor 2’or tin e gran final di 50+
di Beisbòl Veterano, kaminda Jandoret Raiders lo topa
ku Yesterday. Ekiponan a keda di bini Vi Jansen atrobe
pa sera aña. Ganadó di e wega final ku lo bai 7 inning lo
haña kopa Modesto ‘Moi’ Zinhagel. Eibou nos lo haña mas
informashon di kambionan ku ta bai tuma lugá den Beisbòl
Veterano den 2018. Nos ta keda te aki pa awe i te mañan
ku Poder di Dios.