Page 25 - Djaweps 23 november 2017.pdf

Djaweps 23 Novèmber 2017 25

MUNDU DEPORTIVO

Kontinuashon di pagina 24
Happy Stars ta derotá
e wega terminá ku
skor di 12 pa 6 na fabor
di Happy Stars i asina
klasifiká pa final.
Picher ganadó a resultá
Wim Felicia, miéntras
ku Anthony Leonora a
resultá e mihó bateadó
bayendo di 3-3. Den su
tres hit tabata tin un
bataso di kuater skina.
Total Happy Stars tabata
tin 10 hit i nan a kometé
2 eror.
Pa Swift a pèrdè
Rolando Castro, miéntras
ku Hubert Sakoetoe i
Percy Gosepa a bai di 1-1
komo e mihó bateadónan.
Swift tabatin 12 hit i a
kometé 1 eror. Pues final
di kampeonato 2017
Liga 40 ta bai entre di
Baranka, ku tin basta
siman ta warda kaba, i
Happy Stars, ku despues
di un kampeonato regular
un poko desepshonante
tòg ta den final. E seri lo
ta un “Best of Three”.
E promé wega dje
final lo ta awe 23 di
novèmber pa mitar di 8
di anochi, miéntras ku
e di dos wega lo ta otro
siman djamars dia 28 di
novèmber. Si ta nesesario,
pues si e seri splet, e wega
finalísimo lo ta djaweps
30 di novèmber. Bar lo
ta na enkargo di Dream
40’s i kushina lo ta den
man di Djedje ku su bami
kampeon.

rudsel@extra.cw