Page 20 - MIN VOS

20

deporteDiamars 7 Maart 2017

Refereenan di AVB a tene
nan curso di actualisacion

di e reglanan di FIFA

ORANJESTAD – Diadomingo 5 di maart e Comision
di refereenan di AVB a invita tur referee pa un curso di
actualisacion di e reglanan di FIFA.
Ya cu varios regla a cambia ta importante tur referee ta riba
un liña di e interpretacion di cada cambio di regla. A discuti
primordialmente ley 12 cu ta miscinduct y fouls, DOGSO cu
ta: “Deny Obious Goal Scoring Opprtunity” y mucho mas.
Asina tur wega por gosa di refereenan bon educa riba regla y
asina tuma decisionnan manera e mester ta.
Tambe a tuma e oportunidad aki pa discuti varios tema pa
asina e campeonato por bay den bon direccion. Ta importante
cu e referee tene siguridad di un y tur cu ta presencia of hunga
e wega den mente.
Tambe pa percura pa disciplina wordo manteni y e reglanan
wordo respeta.
Sr. Martin Koopmans Techinal Director di AVB tambe a in-
troduci su mes y a duna di su banda cu e lo percura cu tur
referee haya e toolnan pa nan eherce e trabou asina dificil.
Comision di Referee di AVB cu ta consisti di Sr. Oshi Kock,
Sra. Shareen Cabrera-Wout y Sr. Egbert Paesch.
Kier tambe anuncia cu di 20 di Maart tin un anochi di infor-
macion pa esunnan cu kier bira referee na oficina di AVB na
Noord pa 7or di anochi.
Dia 24, 25, 26 di maart y dia 7, 8, 9 di april lo tin un curso pa
esunnan cu kier bira referee. Hopi exito na tur referee!

Resultado final di Campeonato di Club di ahedres pa aña 2017

ORANJESTAD - Den e periodo di 12 di januari pa 23 di februari, e campeonato di Club a wordo hunga riba e diahuebs anochinan. Un total
di 12 participante a inscribi pa e torneo aki. Den e inscripcionnan, tin un hoben di 13 aña cu pa prome biaha ta participa den e seccion di
Open (Senior) di nos Federacion. Esaki ta e hoben Ilya Stetsenko.
Despues di 7 rond, Jose (Chelo) Pesqueira a bira campeon di Club pa aña 2017. Na di 2 luga a termina Angelo Franken. Ambos a termina cu 5.5 punto,
pero Chelo tawata tin mas punto di resistencia. Den e encuentro y entre nan dos, Chelo a gana. Y na tercer luga a termina Octavio Croes. Octavio a score
4.5 for di 7 punto.
Na di 4 te/cu 6 luga tawata tin un empate entre e debutante Biron Barton, Ilya Stetsenko y Randy Tromp. Nan tur 3, a score 3.5 punto. Biron a keda na di
4 luga pa motibo cu el a topa e hungadonan mas fuerte y Ilya na di 5 luga.
Ilya Stetsenko ta e hungado mas hoben den e Campeonato aki. Ilya a haci na januari 13 aña y esaki ta su debut den e grupo di adultonan di diahuebs anochi.
Nos a premia Ilya cu su logro di a termina na di 5 luga den su prome salida cu un Chess Achiefment Certificate.
Diahuebs awor, dia 9 di maart, nos tin pa 7’or di anochi, nos Algemene Leden Vergadering y pa 8’or di anochi, nos lo start cu e siguiente torneo di diahuebs
anochi, “Torneo di Pasco Grandi” cu lo wordo hunga den e periodo di 9 di maart pa 27 di april.
Y riba e dianan 17, 18 y 19 di maart, nos lo tene nos custumbrando torneo di fin di siman “Copa Himno y Bandera”. Mas informacion lo wordo duna mas
despues.