Page 49 - HOSPITAAL

KICO MAS TA BON PA SA

Na e momentonan aki, segun Jurette Croes, e cantidad ta bahando relativamente. Y e

comision ta trahando, aunke por ta no ta mira nan, pero nan ta riba caya ora cu e

containernan yega y nan cuminsa bende e vuurwerk. E comision ta riba caya controlando

y si accidentenan sosode nan ta wordo informa di esaki. E ora ta tuma e medidanan di

siguridad pa wak si e tabata un fout di e klapchi of un fout humano. Si e ta un fout di e
klapchi, esaki lo wordo retira mesora pa preveni cu mas accidente lo por sosode.

Tin dos factor tambe cu tin cu tene cuenta. Por ta e hende a cende e klapchi

iresponsablemente, pero tin tambe klapchinan cu ta cende mucho lihe. Sea cu e mecha ta

mucho chikito of tin mucho polvo cu ta cende mucho lihe. Si haya un of mas accidente cu

e mesun klapchi, e comision ta pasa y piki tur di biaha.

ACTIVO

Henter aña ora cu tin reunion, DVG ta activo. Nant a miembro di e comision y ta

contribui na e comision tambe. Semper for di e perspectiva pa educa comunidad pa e

consumidor. Nan ta educa e consumidor con nan mester ta trata cu e klapchi mas safe

posibel, segun Croes.