Page 51 - HOSPITAAL

Comision di vuurwerk ta traha riba siguridad di klapchi for di comienso, for di ora cu e

klapchi yega, te ora cu e yega na e consumidor. A base di experiencia, ta duna diferente

tips pa evita cu accidentenan por sosode.

Ta conseha comunidad tuma nota di e tipsnan aki pa por termina un aña contento y cu tur

hende ta feliz, sin cu surgi un accidente cu nan.

ALGUN DI E TIPSNAN TA:

Sea critico riba e klapchi cu bo ta cumpra. Klapchi no mag di ta mas cu 2 aña bieu.

Controla e fecha riba dje. E mester ta 2018 of 2017. No mas bieu cu esaki.

Controla e klapchi tambe riba su daño. Klapchinan cu tin daño, no ta bay haci loke ta

spera di haci, cu consecuencia cu esaki por lastima un persona. Controla e klapchi riba

daño.

Sa kico klapchi ta haci. Wak si e tin un etiketa cu ta perscribi kico e ta haci of si e tin un
mensahe pa ilustra kico e ta bay haci. Si esaki no tey, puntra e persona cu ta bende

klapchi kico e ta haci, pa bo sa kico ta spera di e klapchi.

Cumpra klapchinan adecuado pa mucha. For di chikito ta un tradicion cu ta tira klapchi.

Nos muchanan ta lanta den esfera di tira klapchi, pero tin cu educa nan na un manera

corecto, con pa cende esaki sigur.

Educa nos hobennan. Papia cu nos hobennan. Hopi biaha nan ta gusta experimenta cu

klapchi. Nan ta bay traha bom, of guera riba otro. Educa nos hobennan con pa bay safe cu

klapchi.