Page 52 - HOSPITAAL
P. 52
Uza mecha semper. Mecha largo. No cende klapchi cu sigaria, lighter of cualkier otro
obheto.
No bolbe bek pa cende klapchi cu no a cende. Tin diferente velocidad. Tin ta cende hopi
mas lihe cu otro. Si a cende un klapchi y esaki no a cende, no bolbe bek. Laga algun
minuut pasa pa ta sigur cu esaki a paga y hende no ta bezig ta cendiendo.
Nunca cende klapchi den man. Tin experiencia cu a haya accidente cu prome nan por a
tir’e, el a rementa caba den nan man. Pesey mes, cende klapchi semper riba tera.
No tira riba otro of tira riba bestia tampoco. Como mayornan ta pidi pa ta e ehempel pa
bo yiu. Bo yiunan ta wak bo kico bo ta haci. Ta e ehempel pa bo yiu y no cende klapchi si
bo ta bao di influencia di alcohol. Den pasado na Aruba nos conoce accidentenan hopi
grave y un cantidad hopi mas grandi. Pero danki na e comision di vuurwerk, e cantidad a
baha masha hopi mes. Y tambe e indole di gravedad a baha masha hopi mes, danki na e
comision cu ta monitor constantemente e klapchinan riba nan siguridad.
