Page 41 - MIN SJA 31 OCT 2015

28 Djasabra 31 òktober 2015

E siman aki ku sumo plaser nos ta sigui informá Doñonan di Empresa/
Ehekutivo i Lidernan riba e importansia di e Kapital Humano ku ta e “asset”
mas importante den kualke empresa ku ke ta kompetitivo.

Nos a duna konseho i diferente hèrmènt kon ta e mihó forma pa Doñonan di
Empresa/ Ehekutivo i Lidernan por logra saka lo máksimo ku nan organisashon
a base di prestashon na nivel haltu di bo trahadónan.

Pregunta: Bo sistema di evaluashon i balorashon ta in place? Fin di aña ta
aserkando bo ta kla pa evaluá produktividat? Bo tin un struktura pa evaluá e
servisio ku bo trahadónan a duna den e aña aki? Bo a logra e metanan ku huntu
boso a stipulá pa e aña aki? Kon ta ku motivashon di bo trahadónan? Kon ta
pará ku planning pa 2016 pa bo empresa i pa sigui desaroyá bo trahadónan?

Bo ta kere ku si bo no ta kla pa evaluá, balorá i eventual rekompensá E
trahadó ei, e lo bai e èkstra mile ku bo pa e parti drùk di kabamentu di e aña
akí i ku full motivashon pa hinter 2016?

Bo ta kere e lo duna lo máksimo pa realisá e plan i metanan ku abo tin pa
2016?

Meta di Performance Management ta pa alsa prestashon di kada un di bo
trahadónan. Esaki ta un on ‘going process’ pa kada organisashon ku ke ta

eksitoso. E trahadó mester sa si durante di aña e la presta na satisfakshon.
Alabes sa kiko a bai bon i kiko por drecha di moda ku e tambe komo
trahadó por sigui krese den boso organisashon.
Kada trahadó tin e nesesidat di ser balorá i mi sa
ku kada doño di empresa ke pa tur nanishi ta den e
mesun direkshon. E por ta hopi
frustrante pa bo trahadó si e no ta sintié
balorá òf ku no ta dun’é un direkshon
konkreto unda bo ke pa e bai. E trahadó ta
sintié indeseá i demotivá. Despues
bo ke puntra bo mes dikon bo no ta
haña e klientenan ku bo ta deseá i di
kon benta no a subi. E kontesta ta
fásil bo trahadónan no ta motivá.
Performance Management ta dirigí
primordialmente riba stipulá meta, alsa
motivashon i prestashon. P’esei bo mester
tin den bo organisashon siklonan di
evaluashon i balorashon.
Balorá bo trahadó na fin di aña
ta esensial pa bo trahadónan ta
motivá. No ta importá si ta unu bo
tin, dies òf binti.

Na ora di hiba kombersashonnan di balorashon tin algun regla ku mester
tene kuenta kuné, komo Doño di Empresa/Ehekutivo/Lider:

• Balorá bo trahadó riba palabrashonnan konkreto ku boso a traha
• Ser honesto i spesífiko
• Prepará bo mes bon pa e kombersashon di balorashon
• Usa ehèmpelnan konkreto for di e situashon di trabou
• Tin un balansa den e kombersashon di kosnan ku a bai bon i kosnan ku
a bai ménos bon
Kòrda ku balorashon di bo trahadó ta importantísimo si bo ke logra saka lo
máksimo di esnan ku ta rapòrta direktamente na bo persona.
Pa mas detaye relashoná ku e tema aki tuma kontakto ku nos sin kompromiso.
Por pidi tambe GRATIS un kopia di nos rapòrt ‘E tòp 5 erornan mas kostoso di
‘Modern Human Resource Leadership’. E-mail: info@kibrahacha-hr.com. Bishitá
Facebook/Kibrahacha HR. Like nos page i share nos postnan.

Pa un sita yama nos na 767-0907, 512-9351 òf 696-8159.