Page 7 - AHATA

12 INTERNACIONAL AWEMainta Diaranson, 15 Januari 2025

Conflicto riba Husticia:

Ley di sancion di Merca y Hulanda

OFICIAL y institutonan Hulandes ta enfrenta riesgonan potencial di
un ley nobo di sancion di Merca dirigi riba e Corte Penal Internacional

(CPI). E “Ley di Contra-accion di Corte Ilegitimo,” aproba p’e Camara di
Representantenan di Merca, ta menasa sancion contra cualkier persona
envolvi den casonan di CPI contra ciudadanonan Mericano of aliadonan,
incluyendo Israel. Aunke Hulanda no ta menciona explicitamente, su rol

como e nacion anfitrion di CPI ta pone na un riesgo particular.

E ley ta responde directamente na un orden di aresto di CPI pa Prome
Minister Israeli Benjamin Netanyahu y ex Minister di Defensa Yoav Gallant,

acusa di crimen contra humanidad na Gaza. Sin embargo, e implicacion di
e ley ta extende mas leu. Oficial-, polis- y trahadonan di ONG cu ta yuda
CPI cu investigacionnan of arestonan por enfrenta sancion. E legislacion
Mericano ta cubri tur etapa di e proceso hudicial, for di recoleccion di

evidencia te detencion.

Hulanda ta hunga un rol crucial den e operacionnan di CPI. Como pais
anfitrion, e ta proporciona transporte, siguridad y detencion pa sospecho-

sonan na caminda p’e diesdos celnan di CPI na Scheveningen. Ademas,
Hulanda ta otorga acceso na testigo y victimanan. E apoyo logistico aki, endo di con amplio autoridadnan Mericano ta
delinea den un acuerdo di cooperacion cu CPI, ta haci e pais particular- interpreta e ley.
mente vulnerabel na sancion potencial. Oficialnan Hulandes envolvi den

ehecuta ordennan di aresto internacional tambe por ta blanco, dependi- E legislacion ainda ta rekeri aprobacion di e
Senado Mericano, pero mirando e clima politico
y apoyo di e administracion entrante di Trump,
esaki ta parce probabel. Organisacionnan di

derechonan humano, manera Human Rights
Watch, ta adverti di e consecuencianan impre-
decibel di e ley. Sancionnan por varia di congel-
acion di activo te restriccionnan di biahe pa

oficialnan afecta y nan famianan. “E incerti-
dumbre ta haci e ley aki particularmente peli-
groso,” Elizabeth Evenson di Human Rights
Watch ta bisa.

Criticonan ta argumenta cu e ley di sancion ta
mina no solamente CPI pero tambe e sistema
legal internacional como un totalidad. Un

grupo di expertonan di Nacionnan Uni a urgi
e Senado Mericano pa blokia e proyecto di ley,
argumentando cu e ta promove un cultura di
impunidad. Hues Presidente di CPI Tomoko

Akane recientemente a adverti cu e menasa
di sancionnan “por pone e existencia mes di e
corte den peliger.” Pa Hulanda, como e anfitrion
di e tribunal critico aki, e consecuencianan

potencial ta profundo, golpiando e curason di
su rol den e orden legal internacional.