Page 15 - AM 15 Apr'15

AWEMainta Diaranson, 15 April 2015 15

Conferencia Anual De Turismo Aruba 2015 E SIMAN aki ta cuminsa e di 26 edicion di e encuentro

ATA ta yama ‘Conferencia Anual de Turismo Aruba’ – CATA. E conferencia ta
participantenan Bon tuma lugar for di 15 di april te cu 19 di april cu un programa
Bini n’e di 26 CATA intensivo cu ta conta cu 80 participante di diferente pais di Latino
America, manera Colombia, Argentina, Chile, Brasil, Paraguay,
Peru, Bolivia, Panama, Venezuela, Republica Dominicana y
Ecuador. Obhetivo di CATA ta pa brinda posibilidad pa reforsa
e conocemento di Aruba n’e ehecutivonan y pa sigui traha riba e
relacionnan cu e socionan, enfocando asina riba oportunidadnan
cu por enrikece nos mercado turistico.

E participantenan ta consisti di tour operators, varios
representante di aerolinea, hotelnan bendiendo Aruba den nan
mercado y representantenan di Aruba den e mercado di Latino
America y tambe algun miembro di prensa.
Awe diarazon anochi lo tuma lugar e recepcion di bon bini
p’e participantenan di CATA. Diahuebs mainta ta tuma lugar
apertura oficial na Radisson Aruba Resort & Casino cu palabra
di bon bini di Minister di Turismo, Transporte, Sector Primario y
Cultura, Otmar Oduber, como tambe di e C.E.O di Aruba Tourism
Authority Ronella Tjin Asjoe-Croes.

Ademas lo tin varios orador manera e.o. Directornan di ABAV,
ANATO y AVAVIT, cu ta lidernan den e asociacionnan di turismo
di mas grandi y importante den e industria di turismo na Brazil,
Colombia y Venezuela. Nan lo enfoca riba e topico “Futuro de los
canales tradicionales de ventas, operadores, agencias de viajes”.
E mainta intensivo ta sigui cu un lunch na Hyatt Regency Aruba
Resort, Spa & Casino. Parti merdia ta ofrece e participantenan un
actividad diferente di “teambuilding” den forma di beach tennis,
paddle boarding y mucho mas.
E anochi di celebracion lo tuma lugar cu un fiesta di riba
Renaissance Island.

Diabierna henter dia lo tuma lugar e vitrina turistico na Aruba
Marriott Resort & Stellaris Casino. Aki ta caminda encuentronan
importante entre socionan local y e participantenan ta tuma
lugar p’asina negocia y amplia oportunidadnan p’e proximo
temporada.
Un otro actividad hopi creativo lo tuma lugar diasabra na Ayo
Rock Formation cu lo enfoca riba e parti cultural di Aruba.
E conferencia lo sera cu un broche de oro cu un anochi di
celebracion di e di 26 aña di CATA na Casibari Rock Formation.

Latino America t’e di dos mercado di mas grandi pa cu turismo
di Aruba. CATA sigur ta un encuentro hopi importante pa nos
industria turistico.