Page 30 - awem sept 24

30 AWEMainta Diahuebs, 24 September 2015

Expo di Arte
Nacional na
Amsterdam a
invita Nouel

GUSTAVE Nouel (www.gustavenouel.exto.org), conocido

artista profesional Arubiano cu tin su atelier na Deventer, a ser
invita ‘last minute’ p’e expo di Arte ADAF den World Fashion
Centre na Amsterdam. Nouel lo presenta un obra di arte cu el
a pinta siglo pasa tiltula: “Extasis...” den ADAF Art Gallery, e
stand central di e Expo Nacional. (www.ADAF.nl)
Despues di edicionnan exitoso di ADAF (Anual Dutch Art Fair)
e ultimo 4 añanan, e di 5 edicion lo tuma lugar awor. No menos
cu 253 artista profesional ta mustra nan arte aki durante e aña
hubilario aki! ADAF ta un expo di dos dia di artista y designer pa
amante di Arte y Design contemporaneo. Y no djis un expo: ADAF
t’e expo mas grandi, mas bunita y mas profesional, caminda por
topa cu e artista, designer y nan obra y cumpra directamente di
nan. Organisacion di ADAF ta tegla tur cos pa Gustave Nouel,
tambe benta...
Su presencia ta ser aprecia, pero como artista especial invita,
Nouel no tin ningun obligacion. Como amante di arte, cumprador
y coleccionista, bo por haya un gran variedad di arte y design
contemporaneo. Di figurativo te abstract y di tradicional te
progresivo.
Mas o menos 1.700 obra di arte ta ser presenta pa artista y
designer internacional y/o nacional. E di 5 edicion di ADAF ta
tuma lugar riba diasabra 26 y diadomingo 27 di september 2015
y ta habri e dos dianan aki di 11.00 te 17:30hr.