Page 31 - awem sept 24

AWEMainta Diahuebs, 24 September 2015 31

Trabounan di construccion a start

Colegio Felipe B. Tromp ta
haya e cura di mas grandi
di scolanan basico

Tanto pa docentenan como tambe pa alumnonan

“NOS di scol ta masha contento cu despues di warda bastante aña

cu alfin nos ta mira inicio na construccion di e cura”, asina Selwyn
Rosenstand, cabesante di Colegio Felipe B. Tromp a duna di conoce.
Diamars a bishita e scol, despues cu trabounan di construccion
tin 1 siman caba den full swing. E cura di scol ta den masha mal
estado pa hopi aña caba. Consecuentemente aceso n’e propiedad
tabata facil. Directiva di scol ta contento cu den 2 pa 3 luna, ora
cu e trabounan keda cla, cu porfin scol lo ta den un estado den cual
e cura ta sera y antisocial no por subi tereno mas. Colegio Felipe
B. Tromp ta un scol di 12 klas den un area trankilo y tin un bon
contacto cu mayornan.

E scol ta ehecutando varios proyecto pareu, manera entre otro pa
instala airco den tur nan klasnan, pa por tin klasnan mas fresco
cu ta promove mas studiamento den un ambiente mas agradabel.
E calor di ultimo sin duda tin un influencia riba concentracion y
comportacion den klas. Di otro trabou pendiente, e cabesante ta
consciente cu tin proyecto pendiente, pero e cura rond di scol t’esun
di mas grandi y mas importante. Asina cu esey ta cla, e intencion
ta pa sigui cu e otro trabounan cu ta riba nan lista di deseo. Claro,
tur den un esfuerso pa preveni vandalismo n’e scol.