Page 41 - MIN.VOS MARCH 9

Meta ta pa detecta problema di riñon for di trempan
Publication: Saturday, 7 March 2015. Categoria: General
Meta riba Dia Mundial di riñon

ORANJESTAD (AAN): Fundacion Kidneys297 ta e fundacion na Aruba cu tin como meta
conscientisa nos comunidad tocante e factornan di riesgo cu lo por conduci na problema di riñon
y promove deteccion tempran di e condicion aki. Tur aña riba e di dos diahuebs di Maart ta
celebra Dia Mundial di Riñon. E dia aki ta enfoca pa crea conscientisacion tocante e importancia
di cuido di nos riñon pa cu nos salud en general.
Tur aña riba e di 2 diahuebs di luna di Maart ta celebra Dia Mundial di Riñon. En conexion cu e
dia aki, Stichting Kidneys297 lo ta organizando diferente actividad cuminsando, awe diasabra 7
di maart 2015.
Na unda e comision di e fundacion lo tene un collect y parti pamfleta informativo na rotonde di
FTA na San Nicolas entre 3:30pm y 5:30pm, na rotonde di Tanki Flip entre 4.30pm y 6.30pm, na
“I Love Aruba” dilanti Bestuurskantoor entre 4.30pm y 6.30pm y riba e caminda dilanti Imelda
kleuterschool na Oranjestad entre 3.30pm y 5.30pm. Tambe den caya principal na Playa.
Riba dia Mundial di Riñon mes, 12 di maart 2015, Kidneys297 lo… “Light Up” e sign di I love
Aruba, pa 7.00 pm como simbolo di conscientisacion “Light Up” watertoren San Nicolaas 7.00
pm como simbolo di conscientisacion E “Light up” lo ta color berde como cu esaki ta e color di
sinta di conscientisacion di malesa cronico di riñon.
Lo pone un mensahe di conscientisacion riba e ledscreen na Palm Beach Plaza. Lo brinda cu un
glas di awa na ImSan pa 12’or di merdia celebrando simbolicamente e organo vital aki cual ta
nos riñon. Desde 7 maart – 13 maart lo bende buki informativo na balor di 10 Florin na Bruna,
Plaza bookstore, Antraco y Plaza bookstore. Tambe lo por cumpra e buki na e anochi
informativo di Imsan cual lo tuma luga na IMSAN mes riba dia11 maart.