Page 42 - MIN.VOS MARCH 9

Casi tur ser humano ta nace cu 2 riñon saludabel. Cada riñon tin e grandura di un mokete y ta
situa bou di e ribchinan, uno cada banda di e weso di lomba. Un funcion importante di e riñon ta
pa saca sushi di e curpa humano. Esaki ta sosode via di orina. Enfermedad di riñon ta conoci
como “e asesino silencioso” ya cu mayoria pashent no ta experiencia sintomanan te ora cu ya e
daño ta haci na nan riñon caba. Enfermedad di riñon ta un di e condicionnan menos comenta na
Aruba. Esaki ta e motibo di con conscientisacion ta di hopi importante.

Presion halto y diabetes ta e causanan mas comun di problema di riñon, pues bo tin risico di sufri
di problema di riñon si den bo famia tin personanan cu ta sufri di e condicion aki. Haci un
saminacion regularmente na bo dokter di cas; Controla e cantidad di salo cu bo ta tuma; Bebe 2
liter di awa diariamente; Haci ehercicio frecuentemente; Educa bo mes tocante enfermedadnan
hereditario manera presion halto, diabetes y problema di riñon.

Den cuadro di Dia Mundial di Riñon Kidneys297 ta urgi Aruba en general pa participa na e
anochi di informacion y brinda cu un glas di awa pa 12’or di merdia dia 12 di Maart 2015 y
celebra simbolicamente e vitalidad y conservacion di e organo aki cu ta nos riñon.

http://www.diario.aw/2015/03/meta-ta-pa-detecta-problema-di-rinon-for-di-trempan/