Page 10 - MIN VOS

Sharline Koolman di DBZ: Por dura algun dia prome cu haya sa ki malesa un pashent tin

Sunday, 20 March 2016 18:44
Tweet
Comparti

Por haci test di HIV of Syphilis, Hepatitis B, Chlamydia of Gonorrea na DBZ. Tin ta test di sanger of urina.
Ta yena un formulario di e persona, algun dato di dje, segun hefe di e departamento di Dienst
Besmetelijke Ziekten, Sharline Koolman.
E nomber no ta bay ningun caminda, e ta keda si pa DBZ pa identifica e muestra cu a wordo tuma. E
testnan aki, sea sanger of urina, ta bay laboratorio. E test ta wordo gedraai y DBZ ta haya e resultado
bek. E por dura algun dia, segun Koolman. Despues ta haya e resultado bek. Ta yama e persona of tin
biaha e persona mes ta yama wak si su resultado a drenta caba y e persona tin cu bay DBZ pa haya e
resultado. No ta duna resultado na telefon pa motibo cu kier tin un combersacion y conseha e persona,
pasobra e test ta simplemente un midimento di e momento ey. Por ehempel pa HIV por sali negativo e
momento ey pero por ta den locual ta wordo yama un window period. Mester informa e persona pa
toch tene a base pa ki motibo el a bin haci test. Ainda tin cu wak si tin cu ripiti e test despues di paar di
luna, si of no y tambe e persona su estilo di bida y kico ta e riesgonan cu e tin. A base di esey ta conseha
e persona e ora, si mester ripiti e test si of no. Pa motibo di esey e persona ta bay bek cerca DBZ, e ta
haya su resultado y ta haci palabracionnan cun’e. A bise di esey e ora e persona sa ki medidanan e tin
cu tuma y si a caso e noticia no ta bon, cu e persona ta infecta cu un of otro malesa, ta yama e dokter di
cas di e persona pa e haya su tratamento. E tratamento ta wordo guia pa e dokter di cas e momento ey.
Si mester e dokter di cas lo pase pa un specialista. E specialista, si tin mester, tambe ta wordo guia pa
DBZ na e pashent, depende ki enfermedad e ta. Si mester haya hangua den tratamento por ehempel pa
Syphilis of e mester haya tablet of si e ta un pashent di HIV, tambe tin cu haya guia y tratamento. Tur
eseynan ta wordo haci entre DBZ, hunto cu e dokter cu ta trata e pashent, esta su dokter di cas of un
specialista, Koolman a splica. Una bes cu un persona ta registra na Aruba y AZV, AZV ta cubri e
medicamentonan di tur e malesanan transmiti sexualmente, incluyendo HIV. Tambe nan ta cubri e
testnan necesario den laboratorio. Loke ta wordo haci na DBZ ta mas bien test pa detecta si e persona
tin e malesa si of no. Pero den e caso di HIV mester haci mas test. Mester sa cuanto virus tin den e
sanger y cuanto test e dokter lo dicidi ki tratamento cu e lo duna. Tur labtestnan tambe e
medicamentonan, ta wordo cubri pa AZV. Tambe si e persona mester wordo hospitalisa tambe tin cu
wordo cubri. Den e caso di Syphilis cu ta un otro tratamento of Chlamydia of Gonorrea cu tambe ta un
otro tipo di tratamento, eseynan tambe ta wordo cubri. E ora AZV y ora cu e pashent mester bay bek pa
haci su testnan di nobo pa wak si e tratamento a duna resultado, eseynan tur ta wordo cubri. En
principio no tin motibo medico tin cu bisa y financieramente pa un persona no busca yudansa. Hopi
biaha pakico un hende no ta presenta na su dokter di cas, ta pa berguensa of si ta un hende muhe mas
jong, miedo pa esaki yega na su famianan, su mama of tata por ehempel, pero e malesanan aki tin
consecuencianan mas leu. Tin di e malesanan aki cu no solamente por ta fastioso, pero tambe ta haya
cu nan por causa un hende cu no por Sali na estado tampoco. E ta duna otro problemanan cu salud.
Eigenlijk tin biaha ta mir’e como un malesa transmiti sexualmente, no ta worry cun’e, su so ta bay.