Page 22 - ARUBA BANK
P. 22
Pa facilita pago di tur scol di SKOA Aruba Bank CAMACURI
lo habri ariba Diasabra 22 di juli y Diasabra 5 di Augustus,
2017
Wednesday, 05 July 2017 15:28
1
Comparti
Den cu preparacion pa aña escolar nobo, Aruba Bank conhuntamente cu SKOA kier recorda tur mayor y
voogd di e siguiente metodonan di pago pa e “Schoolgeld” y “Aircogeld”. Prueba di pago ta necesario pa
confirma cu studiante por atende e aña escolar 2017 – 2018.
Na momento di pago, ta importante pa tin e siguiente informacion di bo yiu, esta su number di AZV di
studiante, nomber y fam di studiante y tambe nomber exacto di e scol cu e yiu lo atende. Tur pago lo
mester wordo haci riba e cuenta bancario di SKOA, Stichting Katholiek Onderwijs Aruba, number di
cuenta 6005292 na Aruba Bank. Tin diferente metodonan di pago cu por scoge pa haci e pago. Pa cliente
di Aruba Bank por haci pago via Aruba Bank Online y Aruba Bank App, den e “Address Book”, busca
“SKOA Schoolgeld”. Cliente di otro banco por haci pago via transferencia via Online Banking cu bo banco
ta ofrece of via un transferencia bancario. E suma exacto mester wordo transferi ariba cuenta di SKOA na
Aruba Bank menciona ariba, incluyendo e informacion exacto di studiante y e scol, manera ariba
menciona. Pa tur mayor cu no tin un cuenta bancario na un banco local, por bishita Aruba Bank
Camacuri ariba e fechanan diasabra 22 di juli y diasabra 5 di augustus, di 9’or di mainta pa 1’or di
merdia.
E banco lo habri specialmente pa atende cu e pagonan di “Schoolgeld” y “Aircogeld”. Informacion tocante
contribucion y cuenta di banco pa “Aircogeld” ta wordo manda via e scol. E pago aki por sosode ariba e
diasabranan menciona tambe. Pa mas informacion por tuma contacto cu SKOA of por tuma contacto cu
nos Aruba Bank Call Center na 527 7700. Pa tur esnan cu paga SKOA prome cu 30 di juli, 2017 uzando
un di e metodonan digital menciona, ta participa pa gana un voucher na balor di AWG 500.- na un luga
di escogencia pa “Back To School”, pues ta motiva tur mayor pa cumpli cu e pago mas lihe posibel, y
preferibel via un di e metodonan digital.
