Page 23 - ARUBA BANK

Small Business Event dedica na tur cu

tin ambicion comercial

Posted on 07/5/2017 5:26 pm AST | Updated on 07/5/2017 8:40 pm AST

ORANJESTAD - Diasabra awor dia 8 di juli 2017, Ministerio di Asuntonan Economico ta
organisa "Small Business Event" den Renaissance Convention Center. "E evento aki ta pa na
prome luga duna un presentacion di e 4 top sectornan cu ta defini e maneho economico di
Gobierno, cu ta e areanan di industria cu ta ofrece oportunidadnan economico pa desaroya",
asina Minister Richard Arends a bisa diamars atardi durante un conferencia di prensa.

E inversionnan cu Gabinete Mike Eman II a haci e ultimo 8 añanan pa loke ta trata infrastructura
y tambe calidad di areanan publico, a resulta den 5 area fisico di oportunidad rond di nos isla. Ta
trata aki di e area rond di refineria, e area rond di waf di carga na Barcadera, e area rond di waf
di crucero na Oranjestad, e area rond di Hospital y tambe areanan rond di e obranan
infrastructural cu a inaugura recientemente. E cinco areanan aki nos kier desaroya a base di e 4
top sector di actividadnan economico.

"Durante e conferencia di diasabra awor, nos lo presenta ehempelnan y experencianan di
empresarionan y inversionistanan cu ta den e top sectornan aki, pa nan comparti nan storianan cu
e publico presente. Nos ta invita inversionistanan nobo y doñonan di empresanan mediano y
chikito pa ta presente sin falta", asina Minister Richard Arends a expresa. Puntonan cu lo enfoca