Page 10 - KPA 17 MAART 2016

KPA: Polis ta anuncia desviacion den trafico na Green
Corridor
Wednesday, 16 March 2016 20:10

Comparti

Relaciona cu trabounan di construccion tumando luga riba e caminda principal di Oranjestad pa San
Nicolas, den cuadro di e “Green Corridor”, a cera un di e camindanan masha uza cu ta conecta trafico di e
crusada di Mahuma pa Sero Biento. A cera e caminda aki di e T-Kruising di Jucuri, relaciona cu un
“duiker” cu ta trahando y cu ta crusa riba dicho caretera. E trabounan lo dura mas o menos 6 siman largo.

Lo desvia trafico procedente di Sero Biento den diferente direccion. Por ehempel esunnan bayendo San
Nicolas lo pasa via Jucuri, Sabana Grandi y Kibaima. Trafico rumbo Oranjestad of e area di Aeropuerto lo
pasa via e caminda di santo direccion Wayaca y Sabana Blanco. Trafico cu mester bay direccion
Parkietenbos of e area di Dump tambe lo mester scoge un di e dos alternativanan ariba menciona.

Trafico cu yega e T-Kruising na Jucuri cu mester sigui direccion Oranjestad lo mester sigui stret via e
caminda di santo direccion Wayaca y Sabana Blanco of por lora na man drechi via Sero Biento y Caya
Betico Croes. Trafico cu mester yega Aeropuerto, Parkietenbos of Dump lo mester sigui stret via e
caminda di santo direccion Wayaca y Sabana Blanco.

Cuerpo Policial ta convenci cu automobilistanan lo sa di coopera durante e siguiente simannan den cual
trabounan di construccion ta tumando luga, den cuadro di mantencion di nos trafico sigur y causa menos
inconveniencia of tardansa posibel den trafico. Mas cu claro ora cu e trabounan keda cla, e fluho di trafico
lo core mucho mas eficiente.