Page 8 - KPA 17 MAART 2016
P. 8
Como 200 multa den cuater ora di control pa grupito di Polis na
Playa
Wednesday, 16 March 2016 19:07
Comparti
Un tremendo control e Polisnan di Oranjestad a tene mainta trempan diaranzon. E control aki tabata den
De La Sallestraat. Polisnan tabata haci e control riba diferente situacion cu tabata tin. Autonan cu tabata
lora na e rotonde subi de La Sallestraat por a core e chens di wordo para. Si no pone señal tabata stop e
auto y duna multa.
Dimes tabata controla keuring, number, seguro, seatbelt etc. Durante e prome dos oranan so a duna riba
100 multa y na final di cuater ora di control a duna 200 multa. Dimes tin algun chauffeur cu no tabata
aprecia e control. Asina mes Polis tabata splicanan riba e importancia di tin e documentonan na ordo. Na
final nuebe di diez tabata sali satisfecho cu nan a wordo controla y ta compronde e trabou cu Polis tabata
eherciendo e momento ey. Ta importante pa tur auto tin nan documentonan na ordo. Asina si pasa algo
riba caminda ningun hende ta keda perhudica cu dañonan cu mester wordo paga. Ademas un auto den
bon condicion tambe ta importante y pesey e controlnan aki ta di aprecia.
