Page 11 - KPA 17 MAART 2016

Maniatico Pedofiel Colombiano liber despues di admiti y ser reconoci tambe pa
muchanan
Wednesday, 16 March 2016 19:43

Comparti

E maniatico Pedofiel cu tabata cana rond di scolnan diamars merdia ya caba ta den libertad. Nos sistema
legal na Aruba ta pone cu no tin motibo pa tene un figura peligroso asina sera. E ley tin un castigo di un
aña y pa situacionnan asina no sa tene hende deteni.

Dimes lo haci trabou di dje y asina presenta e caso cerca fiscal. E homber aki ta Jhon Nelson Villareal
Arrieta naci na Colombia 20-04-1978. E ta biba den Koningstraat. E ta traha na ABC Tours pero a wordo
kita for di trabou opstaandevoet mirando e sucedido aki. Polis a detene despues di un buskeda intensivo.
E muchanan a mira con e homber tabata saca su parti intimo pa nan banda di e depandance cu tin na
DOC Opleiding na Dominicanessestraat. El a bula den cura di un cas y baha full su carson tambe. Djey el a
disparce. A drenta informe riba mesun cos cu e homber lo tabata haciendo banda di Nikky Beach. Polis a
bay move rond eybanda buscand e persona. Na dado momento a drenta e yamada di un persona cu a mira
e homber sconde den mata ora cu Polisnan tabata buscando. E persona cu a yama no tabata sa kiko tabata
pasando. Asina a topa cu e homber y descripcion tabata cuadra 100%. E homber a para e auto di ABC
Tours banda di Julianaschool den Irenestraat y asina bay cana banda di lama te Nikky Beach pa haci su
barbaridadnan. Importante pa menciona ta cu e Polisnan di Playa for di momento cu nan a haya e prome
melding no a para keto. Nan a insisti pa e buskeda te cu nan a bin topa cu e homber Maniatico Pedofiel
aki. El a keda deteni y na warda pasa over pa un departamento cu ta atende cu e asuntonan aki. E
muchanan tambe e departamento policial a papia cu nan y nan a reconoce e homber aki. Durante
interogacion el a admiti tambe di loke el a haci. Mirando e cu e peso di ley ta poco a pone cu no por a tene
e pedofiel aki sera djis pasobra el a saca su parti intimo y show esaki. Informacion cu nos tin ta bisa cu
autoridad awor lo bay busca tur manera di haya sa mas di su personalia y trata na saca e homber aki for di
Aruba urgentemente. Esaki tin su proceso naturalmente pero no por permiti pa un hende asina keda cana
rond.