Page 13 - AHATA

34 COMUNIDAD AWEMainta Diabierna, 28 Februari 2025

YOU Anniversary:

A.T.A. a celebra aniversario di dos

miembro di ekipo na Latino America

‘A celebra nan dedicacion, contribucion, y pasion p’e exito diAruba como un destinacion’

MIENTRAS cu Aruba Tourism Authority (A.T.A.) ta na

LATAM pa feria di ANATO 2025, a tuma e oportunidad pa
reconoce y celebra aniversario di dos miembro di ekipo
durante YOU Anniversary LATAM. Den e edicion aki, A.T.A.
a reconoce miembro di ekipo cu a alcansa momentonan

importante den nan trayecto den e organisacion, resalt-
ando e importancia di nan contribucion p’e exito di Aruba
como destinacion.

YOU Celebration ta un tradicion na A.T.A., diseña pa
reconoce e contribucion valioso di empleadonan cu tin 5,
10, 20, y hasta 25 aña den organisacion. E evento aki no
ta solamente ta marca e aña di dedicacion, sino tambe

ta celebra e logro y esfuerso di cada un. Durante e cere-
monia, a enfatisa riba e impacto y calidad di e trabou cu
nan ta provee na beneficio di Aruba. Cu pasenshi, perse-
verancia y resilencia, nos ekipo a demostra di t’e motor

cu ta promove Aruba como un destinacion turistico di
clase mundial.

Den un discurso presenta pa Ronella Croes CEO di A.T.A. y

Jordan Schlipken Area Director di LATAM a expresa grat-
itud n’e dos miembro di ekipo pa nan sosten y compromiso
continuo durante hopi aña. Alabes, riba e anochi special
aki a conta cu presencia di Sanju Luidens-Daryanani

CMO di A.T.A., Shadey Figaroa HR Manager y Raul Piar
ehecutivo di HR, caminda cu a reconoce Juan Carlos Ruiz
Rojas – Digital Specialist LATAM celebrando 5 aña y Heidy
Hernandez Sierra – Junior Marketing Specialist LATAM cu

tambe ta celebrando 5 aña di hubileo.

E evento tambe a sirbi como un recordatorio di e legado
di A.T.A. como parti di un desaroyo continuo, unda cada

empleado ta contribui cu su creatividad, talento, profe-
sionalismo, y compromiso pa fortalece e identidad di
Aruba den e mercado global. Danki na nan esfuerso,
Aruba ta sigui sobresali como un destinacion preferi den

Latino America.

Aruba Tourism Authority (A.T.A) un biaha mas ta extende
palabra di felicitacion y gratitud na Juan Carlos y Heidy

cu merecidamente a wordo reconoci pa nan tremendo
logro y trabou.