Page 54 - Minister Mike De Meza

DIALUNA 31 AUGUSTUS 2015 DIARIO PAGINA 27

Evelyn Wever-Croes:

Censura di

parlamento durante

reunion di CAFT

ORANJESTAD (AAN):
Lider di Partido MEP, Evelyn
Wever Croes ta indica cu
Diahuebs 27 augustus 2015
ta drenta historia di nos pais
como un dia scur, pasobra ta e
fecha cu Mike Eman y su 13
parlamentarionan a entrega
autonomia di nos pais.

Pa tur hende realisa e grado
di dictadura den nos pais,

mester constata cu Parlamento
a hunga e wega cu Mike
Eman y a censura e reunion.
E reunion apenas a pasa un
rato na radio, na television
e no por a pasa mes, y via
website no tin nada graba
pa futuro generacionnan por
mira e entrega pa e traidornan
di AVP.

Parlamentarionan di
oposicion a pidi presidente
di parlamento varios biaha pa
coregi esaki, pero e presidente
prome a ganja riba Setar, y
despues no tabata sa mas kiko
pa gaña. Setar a informa nos
mientras tanto cu nan no tabata
tin ningun storing. Parlamento
a hinca miyones di florin den
automatisacion y den canal di
parlamento, despues a kita e
unico persona cu por a traha
cu e sistema, for di trabou, y
awor por manipula cu censura
ki ora cu ta.

Parlamento a faya. Miles
y miles di hende kier a sigui
e reunion, kier a scucha ki
argumento Mike Eman tin pa
a entrega nos autonomia, pa
scucha e parlamentarionan
defende dicon nos mes no por
regla nos asuntonan financiero
sin mester bai entrega
autoridad na Hulanda.
Parlamento a hunga wega cu
Gobierno pa sigui malinforma
pueblo di Aruba. Dictadura
di Mike Eman awor a drenta
Parlamento bek!