Page 36 - MIN JUS 20 OCT 2015
P. 36

Caso labamento di placa di 23.5 miyon Euro den container
di galinja posponi

Publication: Tuesday, 20 October 2015. Categoria: Judicial

Fiscal a pidi autoridad di Venezuela, Hulanda y Belgica yuda cu investigacion

ORANJESTAD(AAN)–– Diahuebs mainta e sospechosonan R.G. y R.H. a presenta dilanti Hues
pa e caso penal cu Ministerio Publico a cuminsa contra nan. R.G. ta naci na Bonaire y biba na
Aruba mientras cu R.H. ta naci na Hulanda y biba na Aruba.

Nan ta wordo acusa di labamento di placa na gran escala. Ta calcula en total 23.5 Miyon Euro. E
caso a bin dilanti pro forma o sea no a trata e caso pero si Fiscal a duna informacionnan
interesante.

LABAMENTO DI PLACA
E acusacion cu Fiscal a presenta contra e duo aki ta cu entre Juni 2013 y Juni 2015, nan a laba
gran cantidad di placa. E placa tabata bin den container di galiña prepara for di Hulanda. Den e
galinjanan tabata hinca stapelnan di Euro.

Fiscal a bisa cu e labamento di placa ta procedente di Hulanda pa Aruba y Venezuela. Fiscal a
bisa Hues cu a caso te ainda ta bou completo investigacion y pesey e caso a bin dilanti pro forma.
El a splica Hues cu en total ta sospecha cu ta 23.5 miyon Euro a laba. Na Aruba a intercepta un
di e containernan di galiña den cual a haya 2.8 miyon Euro.

E placanan tabata scondi den e galiñanan special prepara o sea e galiñanan no tin ningun weso
sino ta manera un glompi grandi di carni. Investigacion ta mustra cu e placanan aki tabata wordo
reparti entre R.G., R.H. y d S. na Venezuela.

A bay haci investigacion na cas di R.G. caminda den plafond a haya masha hopi placa. Tambe
serca rumannan di R.G. a bin haya placanan warda. Fiscal a menciona cu for di e 2.8 miyon,
R.G. mester a haya 467 mil Euro, R.H. 934 mil Euro y e resto lo mester a bay pa d S. na
Venezuela.

INVESTIGACION DEN EXTERIOR
Fiscal a bisa Hues cu mirando e grandura di e caso aki, Ministerio Publico di Aruba a pidi
cooperacion di autoridad di Hulanda, Belgica y Venezuela. Na Hulanda parce a hiba
investigacion na mesun momento cu Aruba caminda lo a haci investigacion na 26 lugar. In un
cantidad di negoshi di e sospechosonan cu lo mester wordo investiga.

Fiscal a bisa Hues cu door di e actitud di e sospechosonan mes, e investigacion no ta canando
manera a planea y ta tarda.
El a splica cu ta haciendo un investigacion profundo riba yamadanan telefonico informacionnan
riba computer, pa saca afor con tur cos tabata cana. Nan tabata papia riba code.

Segun Fiscal, ainda falta algun testigonan pa scucha. E ta haya cu d S. deteni na Venezuela ta un
testigo importante.
   31   32   33   34   35   36   37   38   39   40   41