Page 37 - MIN JUS 20 OCT 2015

10 CONTAINER DI GALIÑA A BIN ARUBA
Fiscal a bisa Hues cu for di investigacion a saca afor cu ta 10 container a wordo manda for di
Hulanda pa Aruba. Tur tabatin galiña pero mester determina si no tabatin placa scondi den
esakinan. Tin autonan y brommer confisca y mester investigacion pa determina di kende
realmente esakinan ta. Tin ta riba nomber di otro y pesey ta investigando.

Na opinion di Fiscal, ta hopi investigacion ta tumando lugar. E ta calcula cu na Januari 2016 lo
por tin e procesverbaal. El a bisa cu no por bisa cu exactitud pasobra ainda ta pendiente e
sospechoso deteni na Venezuela d S. usa y investigacion na Hulanda y Belgica. El a propone 5
Februari 2016 lo por trata caso pero no sa con lo para e dia ey.

RECHAZA PA LAGA SOSPECHOSO LIBER
Abogado mr. Marchena cu a representa R.G. a cuestiona e forma di papia di Fiscal cu R.G. lo ta
gaña di ta malo. El a bisa cu Hues Comisario a pidi pa haci investigacion riba esaki y esey ta
tumando lugar.

El a pidi pa suspende e detencion di R.G. El a mustra tambe cu Corte Supremo ta papia cu ora ta
trata di un caso di labamento di placa di sumanan grandi, e sospechoso lo por wordo laga liber en
espera di su caso. El a pidi Hues pa suspende e detencion di R.G. te ora e caso bin dilanti na
Februari 2016.
Fiscal a reaccciona riba loke mr. Marchena a bisa. El a bisa cu enberdad R.G. ta malo pero esaki
ta stroba e investigacion. Fiscal ta haya cu tin motibo di peso contra R.G. Tin tapnan cu ta mustra
cu tabatin cargamento di galiña di Hulanda pa Aruba. Tin codenan cu ta papia cu ta mustra cu ta
cantidadnan substancial di placa a wordo treci Aruba. Nan ta papia tambe di e bieu, cu ta R.G. cu
mester percura pa e placa.

A intercepta container cu 2.8 miyon Euro. E persona deteni den e caso akin a Hulanda di e
compania di galiña, a bisa cu riba indicacion di R.H. y R.G. mester a hinca e placanan den e
galiñanan.

El a papia di 4 miyon pa e transporte. Na cas di R.G. den plafond a haya tasnan yen di placa.
Mientras cu na cas di rumannan tambe a haya placa. E rumannan a bisa cu R.G. a duna nan pa
warda. Tur ta empakete cu papelnan cu ta procedente di e fabrica di galiña na Hulanda. Tur esaki
ta mustra cu R.G. tabata envolvi den transportenan.

Investigacion a mustra cu su comission pa transport ta 2 %. Fiscal a mustra cu anterior caba a
condena R.G. pa labamento di placa den muebles. Fiscal ta kere cu mester rechaza peticion di
abogado.

HUES

Hues ta haya cu ainda tin motibo di peso. E ta comparti punto di bista di Fiscal cu ainda tin
suficiente motibo di peso. Hues a rechaza peticion di abogado pa laga R.G. liber. Hues a pospone
e caso pa dia 5 Februari pa 8.30 di mainta. E intencion ta pa trata e caso e dia aki pero tur cos ta
depende con e investigacionnan ta andando. Hues a pidi Fiscal pa notifica na tempo con tur cos
ta bayendo.

http://www.diario.aw/2015/10/caso-labamento-di-placa-di-23-5-miyon-euro-den-container-di-galinja-
posponi/