Page 34 - MIN JUS 20 OCT 2015

8 luna di prison pa trio den auto cu dos arma di candela

Publication: Tuesday, 20 October 2015. Categoria: Judicial

ORANJESTAD (AAN) – E trio homber D.A., J.R. y B.A. acusa di cu riba 9 Mei 2015 nan tabata
den posecion di arma a presenta dilanti Hues pa scucha nan sentencia. Fiscal a exigi 2 aña di
prison di cual 6 luna ta condicional pero Hues a reduce esaki na 12 luna di prison di cual 4 luna
ta condicional.

Esey ta nifica cu en total e trio aki mester sinta 8 luna di prison mienrtas cu 4 luna ta keda colga
riba nan cabez pa 2 aña largo. Si nan haci algo malo y mester presente dilanti Hues atrobe, e 4
luna aki ta wordo pone acerca di e castigo cu nan mester haya.

ARMA DEN AUTO

Algun siman pasa tratamento di e caso aki a tuma lugar caminda a Sali na cla cu riba Yrausquin
Boulevard a sosode un accidente y e auto den cual nan tabata, tabata envolvi. D.A. tabata na
stuur. Polis a haya holor di marihuana fuerte y a scucha D.A. a bisa otro pa sconde e cos. A haya
un tas cora bou stoel cu arma y carchi di AZV di B.A. J.R. tabatin marihuana y un tas preto cu un
revolver aden. E auto tabata di J.R. y door cu e tabata cansa el a laga D.A. stuur. E tabata sinta
patras den e auto. B.A. tabata ocupante na banda.

EXIGENCIA DI FISCAL

Fiscal a bisa Hues cu e ta haya legalmente proba tur acusacion. For di tratamento di e caso a bin
sali na cla cu e arma ta di D.A. Promer a keda cu e arma ta di J.R. ya cu a hay’e cun’e pero awor
ta sali na cla cu ta di D.A. y a fia J.R.

Tres amigo a sali y a haya nan mes envolvi den accidente cu un bus. Polis a haya holor fuerte di
marihuana y a scucha D.A. a bisa e otronan pa “warda e cos ey”. A resulta cu den e auto tabatin
dos arma di candela y marihuana. Banda di e asiento di e chofer abou a haya e tas cora cu arma
di candela. E momento cu Polis a haya holor di marihuana a bisa tur tres cu nan ta deteni. J.R.
tabatin dos tas. Esun color preto el a sconde bou su flanel. El a bisa cu D.A. a bis’e pa warda e
cos p’e. Den e tas preto tabatin e revolver. Si ta asina mes cu J.R. no tabata sa di e arma. E
momento ey e tabatin e arma den su poder. For investigacion ta Sali na cla cu e tabata sa cu den e
tas tabatin arma. Den su cellular a haya potret di dje cu e arma y balanan.

D.A. a admiti cu e arma cu a haya J.R. tabata di dje y cu el a fia J.R. e arma. El a bisa cu el a
cumpra e arma mas o menos 3 luna caba. Nan a dicidi di Sali cu arma. Mientras cu nan tres
tabata huma marihuana y trip, nan tabatin marihuana.

B.A. tabata bisa cu Polis insisti cu e arma ta di dje. Pero e no a bisa nada na Hues Comisario cu
el a wordo forza. Ademas for J.R. por compronde cu B.A. tabatin e tas cora ora nan a buske. No
kere storia di B.A. cu el a laga e tas tres dia den auto di J.R. J.R. mes a bisa cu el a laba e auto y
no a haya nada di tas. Mester conclui cu B.A. tabatin e arma cun’e.

Ta door di e consumo di marihuana, D.A. a causa e accidente y door di esey Polis a bin haya e
dos armanan y marihuana. Fiscal a tuma nan na serio y a exigi castigo igual pa tur tres. Nan tur