Page 18 - AM210206

18 AWEMainta Diasabra, 6 Februari 2021

UN SNECHI DI PALABRA DI DIOS

V DIADOMINGO DEN AÑA7 di februari 2021Nr. 297

I Lect: Job 7, 1-4. 6-7

Salmo: 147
II Lect: 1Cor 9, 16-19. 22-23
Evangelio: Mc 1, 29-39

Den e tempo aya Hesus a sali for di sinagoga y a bay cas di Simon y Andreas hunto cu Huan y
Hacobo. E suegra di Simon tabata drumi malo cu keintura; for di ora Hesus a yega nan a cont’E
dje suegra. El a bay cerca e suegra, coge su man tene y yud’e lanta riba. Su keintura a kita y el
a cuminsa sirbi nan. Anochi, ora solo caba di baha, nan tabata trece tur hende malo y tur hende

posei cerca Hesus. Henter e pueblo a bin para dilanti di porta di e cas. Hesus a cura hopi hende
di tur sorto di malesa y El a saca hopi demoño. E no tabata permiti e demoñonan papia, pasobra
nan tabata sa ta ken E ta. Marduga grandi, ora tabata scur ainda, Hesus a lanta y sali for di cas

pa bay resa na un luga solitario. Simon y e otronan a bay busc’E. Ora nan a hay’E, nan a bis’E;
“Tur hende ta busca Bo.” El a contesta nan: “Ban e otro pueblonan den bisindario pa Mi por
predica ey tambe. Ta pa e motibo ey Mi a bini.” Asina Hesus a biaha den henter Galilea; E
tabata predica den sinagoga y saca demoño.

Palabra di Señor.

MENSAHE

• Evangelio di aweta relata tocante e cantidad di
actividadnancuHesus a realisa den un lapso di menos cu 24 ora.

E tacuminsadia den sinagoga cuoracion y predicacion.
DespueshuntocuHuan y Hacobotabishita Pedro y cura su suegra.
Mesunanochi E taatendeun cantidad di enfermonan y

poseidonan. Madruga E ta busca un luga solitario, caminda E ta
den oracion y finalmente tabay otro camindapa duna atencion na
mas y mashendecutin mester di su ayudo.
- Y cuatabo programa di actividadnan di un diadomingo?

Sin duda nos por tumaehempel di Hesus y dedica diadomingo na bay misa, hacioracion, bishita
familiar, amigo, enfermonan …
•Curacion di suegra di Simonta revela un mensahemasha importante. Hesus simplemente a

‘coge su man tene y yud’e lanta riba’. E tabatin mester djis di un man, tabatin mester di
presencia di un persona cu ta duna atencion y brinda un amor cristian.
Di igual manera cantidad di hende, cu ta biba solitario, hende cu ta biba den depresion, margina
pa sociedad y enfermonan leve, tin mester djis di atencion di un cristian.

• Otro palabra cu ta yama mi atencion awe ta: “Tur hende ta busca Bo.” Kisas nos por pensa cu
den realidad hende ta busca mil y un cos y no Hesus. Pero berdad ta otro. Den fondo di nos
curason nos tur ta busca e amor berdadero, amor pleno cu ta trece felicidad. E amor aki nos por

haya solamente cerca Hesus. P’esey den realidad nos tur ta busca Hesus.

ORACION

Señor! Alivia dolor di tur enfermo.

PROPOSITO

Programa e siguiente diadomingosegunehempeldi e programa di Hesus.