Page 91 - MIN JUS

Prome curso di declarante di Aduana y ATIA ya caba a haci
un impacto positivo

Monday, 10 July 2017 20:46
1

Comparti

Departamento di Aduana conhuntamente cu ATIA a haci entrega di certificado na e prome grupo cu a
completa e curso di ‘declarante’.

E meta di e entrenamento aki tabata pa siña tur participante e forma corecto pa declara mercancia pa
importacion, como tambe e sistema cu aduana ta traha cu n’e, pa asina yega na un procedemento mas
facil, mas efectivo y mas lihe tanto pa e gremio comercial como tambe pa aduana mes.

Pa Minister di Finanzas, Angel Bermudez, e curso aki ta beneficia ambos partido ya cu awor e clientenan
den gremio comercial por papia e lenguahe di aduana mas miho y na mes momento compronde e leynan
bieu. “E ley di 1908 cu aduana ta traha cu n’e ta hopi anticua, e hecho caba cu e ta mas cu 100 aña bieu ta
trece cun’e cu bo ta haya problema di interpretacion, pasobra loke cu tabata realidad mas cu 100 aña
pasa, no ta e realidad mas di awe”, asina e mandatario a bisa.
Segun Litho Pablo, hefe di Douane Recherche, e resultado tabata hopi positivo unda cu e participantenan
mes a señala por ehempel, cu loke nan a siña di un colega cu hopi aña di experiencia, no necesariamente
tabata e sistema corecto.
Ademas, Sr. Pablo a indica cu ya caba den luna di Mei, e coleganan duanero no solamente a tuma nota di
un crecemento den entrada pa caha di Gobierno, pero tambe a ripara cu e companianan cu tabata den e
curso a logra baha e cantidad di boet drasticamente.

“Nos tin companianan cu cerca nos tabata den lista di companianan cu mas hopi boet, mientras cu
durante e curso e cantidad di boet a baha te cu 1 so den e transcurso di e 5 lunanan di training aki”, asina
Sr. Pablo a expresa.
Directora di ATIA tambe a informa durante entrega di certificado cu e interes ta grandi di parti di e
gremio comercial. Actualmente ATIA ta conta cu 40 compania cu a registra caba pa e siguiente curso cu
ta inicia dia 17 di Augustus proximo. Sin embargo cada curso ta conta cu maximo 25 participante, pues di
e grupo aki algun lo forma parti di e curso na Augustus y otronan lo inicia e curso na Januari mes.
Pa loke ta e modernisacion di e ley LUID di 1908, Minister Bermudez a informa cu desde aña pasa a
finalisa y entrega e ley nobo cu ta bay reemplasa e ley anticua cu aduana ta trahacun’e. “E ley ta full cla, e
yama ALDA y for di aña pasa mi a entrega e ley aki na departamento di wetgeving pa nan repas’e y
transform’e den forma cu e por wordo codifica den nos sistema di ley aki na Aruba”, asina e mandatario a
splica.
Minister Bermudez a indica tambe cu e ley aki a wordo revisa pa Ministerio di Finanzas di Hulanda, ya
cu gran parti di e ley aki a wordo basa riba e ley cu nan mesa introduci na 2010 na islanan BES. “E ta
hopi moderno y e ta aplicabel pa akinan tambe, pero claro cu su ahustenan necesario”, asina e
mandatario a sigui splica.