Page 8 - ARUBA BANK

Inflacion Ta Sigui Den Forma Impactante – Prijsnan

Productonan Esencial Ta Cambia Semanal – Y

Mensalmente

 Local
- 01/12/2019

Mientras cu Banco Central den su utlimo rapport riba di tres kwartaal ap 2019 riba
consumo ta sigui confirma cu inflacion ta sigui aumenta compara cu e periodonan
anterior, ta mustra tambe cu comunidad no tin confiansa cu e situacion lo cambia
den periodo nos dilanti.

Un inflacion cu gobierno di Aruba no kier papia ariba y ta trata di tur forma di duna
pueblo speransa cu en realidad e situacion economico lo bay drecha mientras cu Banco
Central mes ta mustra den otro direccion.

Siman Minister di Finansa y asuntonan Economico a manciona diferente paso cu
gobierno ta tumando pa alivia e poder di compra di pueblo, ta un hecho cu ningun di e
plannan aki lo bay duna pueblo mas placa den su cartera y asina alivia e situacion
precario cu pueblo ta pasando aden.

Prueba di esaki ta cu practicamente tur siman y tur luna, prijsnan di productonan esencial
ta sigui conoce cambio y esaki no ta sirbi interes di e cumpradonan ya cu ta dificil pa
mira cu e tsunami di aumento aki, lo wordo stagna a corto tempo.

Tin hopi keho riba productonan cu constantemente ta conoce aumento di entre 75 te cu
1.50 florin y entre esakinan tin productonan manera webo cu den hopi supermercando y
tienda a conoce aumento pa di dos ocasion e aña aki.

Caha di webo den mayoria di negoshi a supera caba e barera di 4 florin y otronan cu
tabata bou di e prijs aki, a conoce un aumento di tal forma cu nan tambe ta costa riba 4
florin.