Page 9 - ARUBA BANK

Esaki tambe ta conta pa coffee cu tambe a conoce un aumento den altun luna cu ta cerca
di dos florin di aumento despues di un periodo cu e prijs tabata basta stabiel.

Tin otro productonan cu tambe a conoce aumento pero aki ta papia di aumentonan di 15
pa 50 cen y den algun cas te cu 1 florin pero ta keda un hecho cu e aumento di prijsnan
riba reki, ta sigui den un trend continuo y caminda por mira adaptacion na cualkier
momento.

E aumentonan aki segun un comerciante ta logico despues cu gobierno a dicidi cu no por
pone cobra BBO apart riba recibo pero cu e BBO aki mester ta riba e prijs cu ta pone riba
e producto y esaki tin consecuencia cu pueblo ta mira e aumento aki ora cu e bay cumpra
comestibel tur siman.

Pa hopi comerciante tambe clientenan tin menos cen pa cumpra manera algun aña atras
ya cu ta den practicamente tur sector comercial, pueblo ta wordo confronta cu aumento
of cambionan di prijs.

Despues cu Prome Minister Evelyn Wever Croes a regresa for di Den Haag
recientemente tin e anticipacion den sector comercial cu pronto gobierno lo anuncia otro
pakete di medida y cualkier medida cu gobierno tuma, esaki lo bay tin efecto riba prijs di
productonan cu ta wordo bendi.

Tin desaroyonan cu ta mustra cu ta casi imposibel pa prijs di pan conoce un aumento
dentro di poco, mirando e forma con gobierno ta sigui bin cu medidanan cu ta sigui
aumenta e asina yama ‘cost of doing business.’