Page 20 - MIN ECEM FLIP 17 JUNE 2017

AWEMainta Diasabra, 17 Juni 2017 27

Den Accion di Bario di Prome Minister Eman

Socotoro a habri man pa su ‘yiu di bario’ Mike Eman

HOPI brasa, sunchi y palabranan di elogio por a scucha

diahuebs mainta durante Accion di Bario cu Prome Minister
Mike Eman a tene den Socotoro.
Caranan conoci, di tempo di su infancia, el a topa cu a bis’e
“Bo a yega bo bario”.
Mayoria di esnan bishita ta corda e mandatario di tempo
prome cu fayecimento di su tata, ora cu e tabata biba den
Venezuelastraat y e gruponan rond semper ta topa pa hunga,
mirando cu antes no tabatin asina hopi cas.

Den Accion di Bario e mandatario a pasa di bishita cerca
famianan den Socotorolaan, Perustraat y a finalisa den Co-
lombiastraat, unda a disfruta di un dushi sopi carni cu pan
bati di maishi rabo y funchi.
Rondona pa famia Ruiz a bebe sopi, mientras a bay bek den
temponan di antes.

Prome cu esey e mandatario a bishita hopi cas riba e ruta cu
el a cana hunto cu ciudadanonan di e bario, manera Maikin
Pourier y Angel Coronel.
Habitantenan den su mayoria ta hendenan grandi cu henter
nan bida a biba den e bario ey y cu tabata masha agradecido
p’e trabou cu a wordo haci dor di e Gobierno lidera pa Prome
Minister Eman.

“Ta hopi cambio mes Aruba a conoce. Famianan cu ta biba
na Corsou a keda sorprendi ora cu nan a bishita nos despues
di basta aña. Nos ta contento di por a scucha e bunita co-
mentarionan aki,” sra. Yolanda Leonardo a expresa na final
di e bishita.
Den e caminata di Prome Minister Eman y su team, e
mandatario tabata wordo para diferente biaha dor di auto-
mobilistanan cu tabata kier a salud’e, dun’e un abraso of
simplemente saca un potret cune y cu su amabilidad di semper
e mandatario tabata cumpli cu tur e peticionnan aki. Tambe
a realisa un bishita n’e corant Bon Dia Aruba y Aruba Today,
situa den e area aki, unda a saluda e empleadonan.

Den e bario aki e mandatario a wordo gradici p’e luznan di
caya cu a wordo cambia pa LED, cu awor ta duna hopi mas
claridad.

Di otro banda, tabatin peticion pa conecta resto di e bario
riba e riolering pa na momento di yobida e awa no keda
para y ta sigui core despues di algun minuut, pero tambe pa
mehoracion di bario yega den e area aki.
“Nos kier nos caminda wordo drecha, nos kier haya acera
bunita cu klinkers manera otro barionan a haya,” esaki tabata
un peticion di famia Brion na Prome Minister Mike Eman.