Page 44 - MIN ON
P. 44
Minister Michelle Hooyboer-Winklaar Na Apertura Di
Prinses Amalia Basisschool: Un Edificio Nobo Y
Excepcional Pa Un Scol Excepcional
Scol basico Prinses Amalia a habri su porta p’e aña escolar nobo na nan edificio nobo,
unda cu a tene un apertura den presencia di Minister di Enseñansa, Michelle Hooyboer-
Winklaar hunto cu alumno y mayornan. Minister Hooyboer-Winklaar a entrega e yabi di
scol na e cabesante di Prinses Amalia Basisschool, esta Roelien Kock-Hofman, kende
tabata feliz di a ricibi esaki.
Minister Hooyboer-Winklaar a pasa den algun klas y a desea tanto alumno como
maestronan hopi exito den e aña escolar nobo. E tabata sumamente contento cu e apertura
cu e scol a prepara p’asina duna tur hende bon bini na e edificio nobo.
Durante e apertura Minister Hooyboer-Winklaar hunto cu Minister Richard Arends,
Roelien Kock-Hofman y 2 studiante di scol a corta e cintanan p’asina tur alumno,
maestro y mayornan por a drenta den e edificio nobo pa inicia e aña escolar nobo.
