Page 48 - MIN ON

Segun e Parlamentario, e mester por brinda oportunidadnan pa cada mucha por desaroya
su capacidadnan optimalmente. Y finalmente e mester por contribui cualitativamente
halto na un proceso di rendimento di Enseñansa. (Fuente di informacion: Habri porta pa
nos drenta, 2002).

Si nos cuminsa compara locual nos hermana isla di Corsou ta haciendo pa cu
“Taalbeleid” den nan scolnan, Aruba lo por siña hopi di nan resultadonan. Aruba a
cuminsa implenta y traha riba material y training pa nos maestronan pa por cuminsa
brinda nos idioma Papiamento na nos scolnan na un manera structura y cu metanan fiho.

E resultadonan te ainda ta mustra p. e. resultadonan satisfactorio pa cu scolnan piloto
Multilengual riba nos isla. Nos lenga materno mester ta uno fuerte cerca nos muchanan
p’asina nan por siña un idioma mas. Si e base di Papiamento no ta bon, e alumno lo ta
bay tin dificultad pa capta e otro idioma manera cu mester ta.

Realidad awendia a base di investigacion ta indica cu tin demasiado alumno cu no ta
papia Hulandes na cas ta perde aña escolar pa motibo cu nan tin dificultad cu e idioma
Hulandes compara cu otro alumno cu si ta papia Hulandes na cas, Parlamentario Arends-
Reyes ta remarca.

Den e scolnan secundario tambe por wak un tendencia cu e nivelnan mas halto di
Eseñansa tin un populacion mas halto di alumnonan cu ta papia Hulandes na cas compara
cu otro nivel.

Y e tendencia por sigui riba nivel di HBO y WO dor cu hopi studiante no ta caba pa
motibo di e barera di idioma aki siendo cu nan tin suficiente capacidad y talento.

Esaki ta un informacion valioso cu no mester laga pasa sin mas, mester conscientisa nos
pueblo rib’e importancia di introduci Papiamento na nos scolnan. Riba nivel internacional
si nos wak p. e. na Europa, tin e strategia di EU-2020 caminda cu nan meta ta p’e paisnan
Europeo por desaroya nan economia pa un ta competitivo rib’e nivel social y “green”.

Sin laga afo e meta pa eleva e nivel di Enseñansa caminda cu nan kier yega na un
percentahe mas halto pa nan economia di conocimento y tambe caminda cu nan lo desea
di wak menos hoben ta bandona nan estudio trempan, e Parlamentario ta enfatisa.