Page 47 - MIN ON

Y tur esaki prepara p’e propio docente y alumnonan, kendenan a pone un show den otro.
Masha bunita mes.

Si anteriormente na apertura di otro Aña Escolar, mas bien ta mira un cantidad di mucha
y mama na yoramento, esaki no tabata e caso na Princes Amalia, unda e tabata un fiesta.
Pabien y tur clase di exito den e Aña Escolar nobo aki.

Di Acuerdo Cu Parlamentario Jennifer Arends-Reyes

Papiamento Mester Ta Central Den E Plannan Pa

Sigui Hisa Nos Nivel Di Educacion

 Local
- 17/08/2017

Den e ultimo temporada aki tin hopi discusion encuanto con pa hisa e nivel di educacion
na Aruba. Tin varios scol secundario cu lo kier hisa e rendimento di su scol dor di haci un
seleccion mas rigido posibel y consecuentemente logra miho resultadonan. Si analisa e
meta aki di cerca tin algun factor determinante pa yega na un miho rendimento den
Enseñansa cu no necesariamente tin e consecuencia di cera porta p’e studiantenan cu ta
net no a logra un seleccion rigido asina. Seleccion so no ta garantisa cu ora e alumno
gradua e lo sigui un estudio avansa cu exito, Parlamentario Arends-Reyes ta splica.

Segun e cifranan di Central Bureau of Statistics di Aruba (CBS) un total di 35% di nos
poblacion tin un nivel abou di educacion, esaki ta subraya e necesidad pa Gobierno di
Aruba y e poblacion en general pa sigui inverti den e sector di Enseñansa.

Tin diferente factor cu ta contribui na un percentahe abou, p. e. e factor cu 94% di nos
poblacion no ta papia Hulandes na cas, mientras cu e ta e idioma di instruccion na nos
scolnan.

(Fuente di informacion: CBS 2000). Un di e factornan cu lo mester pone hopi atencion
riba dj’e t’e maneho di idioma of “Taalbeleid”. Ora cu nos ta papia di un “Taalbeleid” na
scol nos tin cu sa su metanan defini p. e. e mester por refleha e uzo di idioma bou di e
poblacion, e mester por amplia e oportunidadnan pa participa activamente como un
ciudadano di Aruba, un ciudadano di region y un cuidadano di mundo.