Page 31 - AVP
P. 31
psicologico ta demostra cu uzo di Cannabis ta afecta e desaroyo y e funcionamento di e
celebro. Esaki ta causa influencia negativo riba e capacidad pa siña di un alumno.
Cannabis ta afecta e emocion di un alumno riba un manera negativo y ta baha su
motivacion. “Como docente nos sa con importante motivacion ta pa desaroyo di un
alumno”, asina e sindicato di Maestronan di Aruba (SIMAR) a caba di emiti den un
comunicado di prensa.
“Como directiva di SIMAR nos a aserca diferente instancianan cu tin di haber cu
adiccion na Aruba y diferente directivanan di scol. Nos a wordo splica cu nan ta wak un
crecemento den cantidad di meldingen di alumno cu ta uza Cannabis. Consultorio pa
Asuntonan di Adicion (CAA) na Aruba a tuma nota cu e cantidad di grupo pa guia di
alumno cu ta uza Cannabis ta birando mas grandi”, asina e sindicato a informa.
Fundacion Anti Droga na Aruba (FADA) ta constata ora di duna charla na diferente scol
cu den e ambiente social di alumnonan tambe tin hopi uzo di Cannabis y esey tin como
consecuencia cu alumno ta mira uzo di Cannabis como algo normal y no ta realisa e
peligernan cu Cannabis ta trece cune.
Directivanan di scol ta splica cu nan no tin problema solamente cu alumno cu ta uza
droga pero tambe cu alumno cu ta bende e droga. Hasta mester menciona cu e problema
di Cannabis a yega na scolnan primario.
A base di tur e puntonan aki riba menciona, ta constata cu e uzo di Cannabis ta halto bou
di alumnonan y cu ta birando mas alarmante. Pa medio di esaki directiva di SIMAR ta
uni su mes na sindicato di Polis SPA riba e posicion di NO sostene e legalisacion di
Cannabis.
