Page 7 - AWM 9JUNE2020

Diamars, 9 Juni 2020 AWEMainta
Minister Dangui Oduber:
ImSan a realisa e
prome test exitoso
di Fluorescein
Angiography (FAG)
Minister di Salubridad Publico sr. Dangui Oduber a
informa pueblo cu dia 5 di juni ultimo a tuma lugar e
prome test di FAG den Departamento di Oftalmologia
na Instituto Medico San Nicolas (ImSan). Den pasado
semper e operacion di catarata tabata tuma lugar na Dr.
Horacio E. Oduber Hospital.
Test di FAG ta wordo uza pa diagnostica problemanan
di e circulacion di e parti posterior di e wowo (retina y
choroid), entre otro problemanan di diabetes, ARMD,
tumornan, strokenan di wowo.
E ta yuda tambe pa tuma desicion tocante tratamento
necesario.
Minister Dangui Oduber ta contento cu e team di ImSan
y tur cambio positivo cu ta tumando lugar den cuido
medico na Aruba.
ImSan a haya un inversion di 60 miyon florin y poco
poco tur e trabounan ta kedando cla, na fin di 2020 e
proyecto aki lo ser finalisa completo.
E vision di mehora cuido y amplia servicionan pa trata
pashentnan na Aruba ta dunando resultado.
Na final di dia nos ta prefera duna cuido medico aki
na Aruba enbes di manda nos pashentnan afor. Den e
cuadro aki tambe nos ta yegando na culminacion di
AruBIG tambe.
7
Un dunador di trabou no por tin
algun trahado den FASE y algun
trahador ta wordo paga por
medio di Subsidio di Salario
DEN un temporada cu tin hopi informacion cu mester tene na cuenta cune
SVb kier clarifica y elabora riba e programanan di sosten financiero FASE
y Subsidio di Salario.
Subsidio di Salario ta un sosten financiero p’e empresanan local cu a
consecuencia di e situacion actual causa p’e pandemia COVID-19 ta sufri
un perdida di entrada di benta di por lo menos 25%.
E meta principal di e programa di Subsidio di Salario ta pa mantene mas
trahador cu ta posibel den servicio maske cu tin menos (of no tin) actividad
economico y pa garantisa pago parcial di salario. E programa aki ta bay
via SVb.
FASE ta un sosten financiero dirigi directamente riba e persona cu a perde
trabou of ta trahando hopi menos ora.
E persona ta aplica directamente via e FASE Helpdesk p’e sosten.
Mirando cu e dos programanan aki ta core na mes momento ta importante
pa menciona cu den 1 compania no por tin algun trahador cu ta ricibi sosten
financiero por medio di FASE y pa otro trahador e dunador di trabou ta
aplica pa Subsidio di Salario. Esaki no ta posibel.
Tur trahador ta ricibi sosten por medio di FASE of tur trahador ta ricibi
ayudo por medio di Subsidio di Salario via su dunador di trabou.
Pa pregunta relaciona cu Subsidio di Salario tin un Service Center. Por
tuma contacto cu e Service Center via mail na loonsubsidie@svbaruba.org.
Tambe por subi riba e pagina di SVb www.svbaruba.org y bay na e topico
Subsidio di Salario (na Doño di Trabou)
En conexion cu trabaonan necesario, coriente lo wordo interumpi den
vecindario di:
• Tanki Leendert (un parti) • Catiri (un parti)
• Saliña (un parti) • Paraguana (un parti)
• Calabas (un parti) • Soledad (un parti)
• Moko (un parti)
Diahuebs 11 di juni, 2020
FOR DI 8:30 a.m. PA 10:30 a.m.
Elmar ta pidi disculpa pa e inconveniencia cu e interupcion aki por causa.
Danki pa e comprension
523 7100 | customerservice@elmar.aw