Page 23 - KPA MRT 1,2016

Raymond Anthony Bislip e sospechoso busca pa atraco riba
Excelsior Casino a entrega su mes

Monday, 29 February 2016 17:56
Tweet
Comparti

E sospechoso Raymond Anthony Bislip naci 14 di July 1974 tabata wordo busca pa husticia di Aruba.
El a logra huy bay Venezuela pero awor a entrega su mes na autoridad. For di momento cu a detene e
prome sospechosonan pa e Atraco riba Excelsior Casino, e investigacion a conduci cu Raymond Bislipa
mihor conoci como "Bobo" tambe a bira sospechoso. E atraco mes a tuma lugar riba 26 di October 2015
na Holliday Inn riba e casino. Tin mas hende sera den e caso aki entre otro un homber local cu ta conoci
den Madiki y a facilita e sospechoso un arma di candela. Bobo Bislip a bandona Aruba ora el a sinti cu cos
ta bay malo mirando e detencion. El a bay Venezuela cu boto. Recherchenan di Atraco Team a yama su
mayornan of su tata bise cu nan mester di e yiu. Mas cu un ocasion e tata tabata bisa cu e no sa di
paradero di e yiu. Cada biaha tabata gaña autoridad. Na dado momento su potret a sali cu informacion
den prensa pa tur hende mira. Asina a logra cu diripente el a haya caminda pa Aruba despues di casi dos
luna cu a publica cu e ta sospechoso busca. Dialuna el a bin personalmente entrega su mes na warda di
Polis. El a keda deteni y a mustre riba su derechonan. Awor e ta sera na warda di Santa Cruz pa asina
pasa den e proceso di interogacion relaciona cu e atraco di Excelsior Casino na Holliday Inn. Den e caso
aki no a haya placa cu e disparce. Solamente e sospechosonan ta bou di custodia.

http://www.24ora.com/local-mainmenu-5/105820-raymond-anthony-bislip-e-sospechoso-busca-pa-
atraco-riba-excelsior-casino-a-entrega-su-mes-