Page 24 - KPA MRT 1,2016

Ultimo ora Curpa haya kima ta di un adicto ambulante A.O.
cu ta move den area di Rancho

Monday, 29 February 2016 22:32
Tweet
Comparti

Aunke no a haya ningun medio pa identifica e curpa sin bida haya den e area di Playa Pabou cu Eagle, tog
a logra saca afo kende e victima ta. Ta trata aki di e homber di inicialnan A.O. di alrededor 35 aña.
Famianan ainda mester wordo notifica di e situacion. Dor cu e ta un adicto ambulante hopi biaha famia
mes no sa di nan paradero.

Ta trata di un adicto cu antes tabata move den e area di Hotel Central y Ex Voogdijraad den Emanstraat.
Ultimamente su lugar cu e tabata move tabata den Rancho. Recherche di Oranjestad cu nan oficina den
Frankrijkstraat ta investigando e caso aki. A base di cierto material a logra saca afo kende e victima aki
ta. E forma cu Recherche a topa cune dificilmente por a reconoce na e sitio of durante autopsia. E tabata
hopi desfigura y tur kima. E manera cu a logra haya sa kende e tabata ta basa riba su cadena cu e tabata
tin bisti na garganta, renchi di dede y tambe su pipa cu e ta usa pa huma base. E investigacion ta
continua pa asina haya sa kendenan a comete e acto aki. E ta un crimen y pa autoridad ta importante pa
yega na esnan responsabel y sa tambe e motibo cu a comete e acto serio aki. Pas na su restonan y forsa na
e famia.

http://www.24ora.com/policial-mainmenu-8/105845-ultimo-ora-curpa-haya-kima-ta-di-un-adicto-
ambulante-ao-cu-ta-move-den-area-di-rancho