Page 17 - WEB
P. 17
- Advertisement -
ORANJESTAD (AAN): Diaranzon mainta a tuma lugar un conferencia di prensa na WEB
Aruba N.V, pa anuncia cu e compania tin dos celebracion.
Diahuebs dia 22 di juni e compania di awa y energia ta conmemora oficialmente e
hecho cu 85 aña pasa a cuminza desalina awa na Aruba y tambe cu 25 aña pasa WEB a
bira un NV.
“Durante 85 aña nos a haya nos ta adapta constantemente na cambionan”.
“Mayoria cambio drastico na WEB a tuma lugar den e ultimo 10 pa 15 añanan”, segun
director general di WEB Luis Oduber, kende a sigui bisa cu na mes momento desaroyo
ta mustra cu innovacion y desaroyo lo acelera ainda mas liher.
“Mas bien ta papia di añanan en bes di decadanan”, segun Oduber.
Hunto cu director financiero di WEB, Randolph Ruiz, el a refleha riba e logronan riba
tereno di desalinacion di awa y generacion di energia durante 85 aña.
WEB lo celebra e aniversario cu comunidad, pagando e cuenta di awa di 85 cliente cada
luna pa e proximo seis lunanan.
